Nengeulaula 5:19 - Manobo Western Bukidnon

¹⁹ Ne zutun te mezukilem, netekewtekew puwasi te velinsug̵uen te Nengazen haazà is pirisuwan ne impaawè din dutun is menge epustul

Nengeulaula 5:19 Кръстосани препратки

Mateo 1:20

Ne zutun te kemulu zin pa ed-isipa is iring kayi, mibpeteg̵einep kandin is belinsug̵uen te Nengazen. Ne ke sikandin te, “Sikew Jose, is kevuwazan ni Hadì David, kenè ka melenew he ebpengesawa ki Maria su meg̵ingey sikandin pinaag̵i te g̵ehem te Wag̵as he Mulin-ulin.

Mateo 1:24

Ne zutun nepukew si Jose. Ne midtuman din haazà is sambag kandin te velinsug̵uen te Nengazen ne mid-esawa zin si Maria.

Mateo 2:13

Ne hein migenat en kes menge memimituen, mibpeteg̵einep en maan ki Jose is belinsug̵uen te Nengazen he egkag̵i te, “Enew kad, Jose. Ne uwita nu heeyan is batà wey iney zin ne pelag̵uy kew pehendiyà te Ihiptu. Ne zutun kew tag̵ad taman te kenè ku pa sikew egkeg̵iyan. Su ebpenahaan ni Hirudis heeyan is batà su edhimetayan din.”

Mateo 2:19

Ne hein minatey en si Hirudis, mibpeuman mebpeteg̵einep ki Jose is belinsug̵uen te Nengazen he migkag̵i te,

Mateo 28:2

Ne zutun netekewtekew medlinug te utew mezesen. Ne zuen ebpuun diyà te langit he velinsug̵uen te Nengazen. Ne mibpenaug haazà ne in-awè din kes batu he inlekeb dutun te surung ne mid-untuzan din.

Lucas 1:11

Ne zutun mibpaahà kandin is belinsug̵uen te Megbevayà ne heini is belinsug̵uen, dutun edhithitindeg te egkekewanan te vangkù he tutungà te veyewà.

Lucas 2:9

Ne netekew zan te mibpaahà kandan is belinsug̵uen te Nengazen ne neketayew ziyà te kandan is mekeg̵eg̵ehem he anlag te Megbevayà ne utew zan dutun nengehandek.

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 12:23

Ne segugunà midlatun diyà te lawa zin is daru he insavuk te velinsug̵uen te Nengazen su ingkesuat ni Hirudis haazà is ked-ezapa kandin te menge etew, ne wazè din iyan ipaazap is Megbevayà. Ne midtegkayan is lawa zin ne wazà utew meug̵et ne minatey.

Nengeulaula 16:26

Ne zutun midtik-ew medlinug te utew mezesen ne nepurung mehuyung haazà is pirisuwan. Ne segugunà nepuwas is menge lekeb dutun te pirisuwan ne nengetangtang is menge pusas te langun he menge pirisu.

Nengeulaula 27:23

Geina te mezukilem, is Megbevayà he iyan ed-ezapen ku, mibpaahà kedì is belinsug̵uen din,

Nengeulaula 8:26

Ne zuen belinsug̵uen te Nengazen he migkag̵i ziyà te ki Felipe, ke sikandin te, “Hipanew ka g̵untaan ne hendiyè ka te zivavà, diyà te kersada he ed-awà te inged he Hiruselim pehendiyà te inged he Gasa,” ke sikandin. (Ne heini he zalan, kenè en guntaan utew ibayà.)