Nengeulaula 4:19 - Manobo Western Bukidnon

¹⁹ Ne midtavak si Pedro wey si Juan te, “Isipa niw ke hendei zapit is egkesuatan te Megbevayà kayi te zezuwa he paag̵i: ke edtumanen dey ve is sug̵ù niw he kenè dey ibpenurù is ngazan ni Jesus, wey ke edtumanen dey is ebpeveelan kenami te Megbevayà.

Nengeulaula 4:19 Кръстосани препратки

Mateo 22:21

Ne ke sikandan te, “Dagwey wey ngazan te hadì diyà te Ruma.” Ne migkag̵i si Jesus te, “Ne emun kandin, ne iyan egkesuatan din, iveg̵ey niw ziya te kandin, ne iveg̵ey niw zaan diyà te Megbevayà is kandin he azen,” ke sikandin.

Lucas 22:8

Ne zutun midsug̵ù ni Jesus si Pedro wey si Juan he ibpehuna zin sikandan ne migkeg̵iyan din te, “Huna kew en ne teg̵enaha niw en is idlavung tew kayi te Pista te Kedlevayi.”

Juan 7:24

Kenè niw isipa he mezaat is ulaula te etew emun wazè niw pa mesusi, kekenà, susiya niw is ulaula zin su wey niw metueni is hustu.”

Nengeulaula 4:13

Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.

Nengeulaula 5:28

ke sikandin te, “Imbelaud dey keniyu he kenè niw ipenurù is kedtuu te ngazan ni Jesus. Ne hengkey heini is mid-ulaula niw? Insangyew niw is penurù niw zini te tivuuk he Hiruselim ne kenà taman dà kayi is mid-ulaula niw, kekenà, iyan key pa keniyu ebesulan te kedhimetayi ki Jesus.”

Nengeulaula 5:29

Ne zutun midtavak si Pedro wey is duma he menge epustul te, “Kinahanglan he edtumanen dey is sug̵ù te Megbevayà kenà is menge sug̵ù he mibeelan te etew.

1 Kurintu 10:15

Sikiyu, ne metau kew he ed-isip, umba, isipa niw heini is egkeg̵iyen ku.

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.

Ipisu 6:1

Sikiyu is menge vatà, kinahanglan he tumana niw layun is menge sug̵ù te menge g̵inikanan niw su ke tumutuu ki te Nengazen he si Jesus, iyan heini hustu he ulaula.

1 Timoteo 2:3

Umba idhangyù ku heini su meupiya is ked-ampù he iring kayi. Iyan heini igkesuat te Megbevayà he Menluluwas tew

Hibriyuhanen 11:23

Ne sikan daan is menge g̵inikanan ni Moises, ne zekelà is kedtuu zan te Megbevayà. Su minsan pa te insug̵ù te hadì he edhimatayan is langun he menge vatà he maama te menge Hudiyu, wazè dan mahandek ne zutun te ked-enaka ki Moises in-eles dan sikandin seled te tetelu he vulan su wey kenà sikandin mehimetayi su neehè dan he utew mekempet sikandin he vatà.

Santiago 2:4

Kenè be mezaat heeyan he ulaula su kenè niw ebpedrerepengen is kedtahud niw te menge zuma niw he tumutuu su kunaan niw ke hustu ke ebmahalen ta is sepian ne kenà is egkeayuayu.