Nengeulaula 4:13 - Manobo Western Bukidnon

¹³ Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.

Nengeulaula 4:13 Кръстосани препратки

Mateo 11:25

Ne zutun mid-ampù si Jesus he egkag̵i te, “Amey ku he Nengazen te langit wey tanà, dekelà is kebpeselemati ku kenikew su is in-eles nu wey kenà mesavut te menge uluwanen wey uvag en memetau, impesavut nu en diyà te menge etew he wazè dan menge hanew.

Mateo 26:71

Ne migawas si Pedro pehendiyà te pultahan dutun te lama. Ne zuen sevaha pa he sulug̵uen he vahi he nekeahà kandin ne migkag̵i haazà is bahi ziyà te menge etew zutun te, “Duma heini ni Jesus he tigNeserit!”

Mateo 26:73

Ne hein netegteg̵aad dutun, mid-uvayan si Pedro zuen te menge etew he nerivurun dutun, ke sikandan te, “Tutuu iyan he zuma ke zin daan su egketuusan tenged te kegkag̵i nu.”

Lucas 22:8

Ne zutun midsug̵ù ni Jesus si Pedro wey si Juan he ibpehuna zin sikandan ne migkeg̵iyan din te, “Huna kew en ne teg̵enaha niw en is idlavung tew kayi te Pista te Kedlevayi.”

Juan 19:26

Ne hein naahà ni Jesus is iney zin wey sikan is sumusundan he mahal ziyà te g̵ehinawa ni Jesus, migkeg̵iyan din is iney zin te, “Inà, iyan en heeyan anak nu.”

Juan 7:15

Utew ingkeinuinu sikandin te menge punuan he menge Hudiyu, ne migkag̵i zan te, “Hendei vuwa ebpuun is ketau kayi he etew su kenè man metikang is netunghaan din?”

Juan 7:49

Ne heini is menge mezakel he etew he edsundan kandin, wazè dan mesavut is kesug̵uan tew. Id-agbur sikandan diyà te Impirnu!” ke sikandan.

Nengeulaula 4:14

Ne edsumpeliten dan pezem haazà is egkein-inuwan he mid-ulaula eni Pedro, iyan, geina te zutun daan kes etew he neulian wazè en egkekag̵i zan.

Nengeulaula 4:19

Ne midtavak si Pedro wey si Juan te, “Isipa niw ke hendei zapit is egkesuatan te Megbevayà kayi te zezuwa he paag̵i: ke edtumanen dey ve is sug̵ù niw he kenè dey ibpenurù is ngazan ni Jesus, wey ke edtumanen dey is ebpeveelan kenami te Megbevayà.

Nengeulaula 4:29

Ne ahaa nu man guntaan, Nengazen, is menge pelihandek dan kenami. Iveg̵ey nu kenami g̵untaan te menge sulug̵uen nu is kevurut wey key kenà mahandek te kedsangyew te lalag nu.

Nengeulaula 4:31

Ne hein nekeampù dan, ne neg̵ezam dan he egkehuyung haazà is baley he netig̵uman dan. Ne mibpurungan ulini te Wag̵as he Mulin-ulin is kada sevaha kandan, ne wazè dan ikehandek is kedsengyawa zan te Lalag te Megbevayà.

Nengeulaula 9:27

Ne midtevangan si Seulu ni Bernabe ne miduma zin diyà te menge epustul ne mibpenudtul zin kandan is kebpaahà te Nengazen ki Seulu ziyà te imbayè din, wey is lalag kandin te Nengazen. Ne midtudtul zin daan he si Seulu, minsan te nekuntada zin is menge Hudiyu diyà te Demasku, wazè din kegkehandek te kedsengyawa zin te kedtuu te ngazan ni Jesus.

Nengeulaula 9:28

Ne zutun nekeamur si Seulu kandan ne midrig̵urig̵u sikandin diyà te Hiruselim ne wazè din kegkehandek te kedsengyawa zin te kedtuu te ngazan te Nengazen he si Jesus.

1 Kurintu 1:27

Ne minsan pa zutun mibpilì kew te Megbevayà wey kew melibri. Su is menge etew he kunaan te kezekelan ke kenà memetau, iyan mibpilì te Megbevayà su wey mengeeled is uvag memetau. Ne haazà is menge etew he kunaan te kezekelan ke wazà utew egkehimu, mibpilì din daan su wey mengeeled is menge zuen dan uvag gehem.

2 Kurintu 3:12

Ne g̵eina te ebpekesarig key he kenà heini egkeawà te minsan keenu kenè key egkehandek te kedsengyawa zey te Lalag te Megbevayà.