Nengeulaula 4:1 - Manobo Western Bukidnon

¹ Ne zutun te kemulu pa egkag̵i si Pedro wey si Juan diyà te menge etew, mibeyaan sikandan te menge memumuhat wey te kepitan te guwardya ziyà te simbahan wey elin daan is menge Sedusiyu.

Nengeulaula 4:1 Кръстосани препратки

Mateo 16:12

Ne human mesavut te menge sumusundan din haazà he kenà iyan ebpelikayan din kandan is idtapey te supas, kekenà, iyan is ibpenurù te menge Perisiyu wey Sedusiyu.

Mateo 22:16

Ne midsug̵ù dan diyà te ki Jesus is menge sumusundan dan wey menge sakup te upakat he midtukud ni Hirudis. Ne haazà is midsug̵ù dan, migkag̵i ziyà te ki Jesus te, “Menunudlù, netuenan dey he metazeng ka he etew; su ibpenurù nu is tutuu he ebpeveelan kenitew te Megbevayà, ne is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei.

Mateo 27:20

Iyan, is menge punuan he memumuhat wey is menge ebmeg̵urangen, migkeg̵iyan dan is menge etew zutun he iyan dan hengyua he melibri si Berabas ne si Jesus, ibpehimetayan.

Mateo 27:41

Ne iring din ded daan is mid-ulaula kandin te menge punuan te memumuhat wey menge menunudlù te kesug̵uan su mibaleyvaley zan sikandin,

Mateo 3:7

Ne naahà ni Juan is mezakel he etew he menge Perisiyu wey menge Sedusiyu he edhendiyà te kandin su ebpebewtismu. Ne migkeg̵iyan din sikandan te, “Iring te ulaula te uled is ulaula niw su teruen kew. Maan is edhendini kew? Kunaan niw vuwa ke ebpekeg̵awas kew te silut te Megbevayà.

Lucas 20:1

Ne sevaha he andew zutun ne midlikù si Jesus diyà te zekelà he simbahan he egngezanan te Valey te Megbevayà ne mibpenurù din is menge etew, ne impesavut din kandan is Meupiya he Tudtulanen. Ne zutun mibeyaan sikandin te punuan te menge memumuhat wey menge menunudlù te kesug̵uan wey is menge ebmeg̵urangen te menge Hudiyu,

Lucas 22:4

Ne heini si Hudas, ne midhendiyà te menge punuan te menge memumuhat wey menge kepitan te menge ebantey zutun te zekelà he simbahan ne migkeg̵iyan din sikandan he egkehimu he ibpalad din si Jesus diyà te kandan.

Juan 15:20

Tentenuzi niw is migkag̵i ku keniyu he is sulug̵uen, kenà lavew te egalen din. Su ke mibpesipelahan e zan is egalen niw, iyan kew pe be kenè dan pesipelahi. Ke edtumanen te menge etew is kedì he penurù, edtumanen dan daan is keniyu.

Juan 18:3

Ne zutun nekeuma si Hudas he edumahan te sengekumpeniya he sundaru wey pulis he midsug̵ù te menge punuan he memumuhat wey menge Perisiyu. Ne ebpenusulù he nengeg̵umeenan sikandan.

Nengeulaula 4:6

Ne elin daan dutun si Anas, is lavew he memumuhat wey si Keyipas wey si Juan wey si Alejandro wey menge zuma pa he mesipeg he kezuzumahi ni Anas.

Nengeulaula 5:17

Ne zutun he timpu, is lavew he memumuhat wey menge zuma zin he menge Sedusiyu, utew zan nengesina zutun te menge epustul. Ne midwaleng dan dà

Nengeulaula 5:24

Ne hein nezineg haazà te kepitan te guwardya ziyà te simbahan wey te menge punuan he memumuhat, neked-iinseey zan ke hendei vuwa is menge epustul.

Nengeulaula 5:26

Ne zutun mibeyaan haazà is menge epustul zutun te kepitan wey menge pulis ne mid-uwit dan sikandan diyà te menge punuan, ne wazà bug̵ela zutun te pulis haazà is menge epustul su nahandek dan te menge etew su kela ke tulenga sikandan te vatu.

Nengeulaula 6:12

Ne pinaag̵i zutun te menge etew nengepeukan si Esteban te menge etew, menge ebmeg̵urangen, wey menge menunudlù te kesug̵uan. Ne mibeyaan dan si Esteban ne midakep dan ne impeetuvang dan diyà te menge punuan.

Nengeulaula 6:7

Ne impeiseg dan is kedweliya zan te Lalag te Megbevayà diyà te mezakel he menge etew. Ne utew mahabet is menge tigHiruselim he nemeketuu ki Jesus. Ne mezakel zaan is menge memumuhat he nemeketuu.