Nengeulaula 3:24 - Manobo Western Bukidnon

²⁴ Ne is menge zuma he ebpemeneuven dengan he ebpemenagnà,” ke si Pedro, “iring ki Samuel wey is nemekesunud kandin, netagnè dan daan is egkengeulaula g̵untaan.

Nengeulaula 3:24 Кръстосани препратки

Lucas 24:27

Ne zutun midseysey ni Jesus kandan ke hengkey is langun he menge lalag te Megbevayà mehitenged kandin he insurat te langun he menge ebpemeneuven te Megbevayà igenat dà ki Moises dengan taman te huziyan he menge ebpemeneuven.

Nengeulaula 13:20

Ne hein netapus haazà, menge zatù en is impezumala zin kandan taman te timpu ni Samuel, te ebpeneuven dengan.

Nengeulaula 26:23

su netuman en is netagnè dan he is mibpilì te Megbevayà he ibpahadì, kinahanglan he edresayen wey edhimetayan. Ne netagnè dan daan he iyan sikandin egkehuna he egkevanhew ne edtudtulan din is menge Hudiyu wey is kenà menge Hudiyu he egketeyawan is isip dan te tutuu he tuluuwen.”

Nengeulaula 3:19

Ne g̵untaan kinahanglan he ed-iniyug̵an tew en is memezaat he ulaula. Ed-empuan tew is Nengazen ne ebpeseyluwen kiw zin te menge salè tew. Ne zutun duen timpu he ebeg̵ayan is gehinawa tew te zesen he ziyà ebpuun te kandin.

Nengeulaula 3:21

Diyè pa si Jesus ebpekeubpà te langit taman te kenè pa edhimuwen te Megbevayà he veg̵u is minsan hengkey sumalà te netagnà dengan pinaag̵i te ebpemeneuven din.

Ruma 3:21

Ne g̵untaan, impezayag kenitew te Megbevayà is paag̵i wey kiw zin meisip he metazeng. Ne kenà heini pinaag̵i te kedtumana te kesug̵uan, asal migkag̵i heini is paag̵i zutun te insurat dengan he Lalag te Megbevayà.