Nengeulaula 3:16 - Manobo Western Bukidnon

¹⁶ Ne iyan nekeulì kayi te kenà ebpekehipanew is gehem te ngazan ni Jesus. Heini is etew he kilala niw he neehè niw g̵untaan, tenged te kedtuu zey ki Jesus neulian heini kayi te etuvangan niw su nekesarig key te g̵ehem te ngazan ni Jesus.

Nengeulaula 3:16 Кръстосани препратки

Mateo 14:29

Ne ke si Jesus te, “Hendini ka.” Ne midrenà si Pedro puun dutun te avang ne midhipanew zutun te zivavew te wahig pehendiyà te ki Jesus.

Mateo 9:22

Ne midlingì si Jesus ne neehè din haazà is bahi ne ke sikandin te, “Bayi, kenè ka mahandek; su umba neulian ka te zaru nu su midsarig ka kedì.” Ne zutundutun neulian haazà is bahi.

Juan 14:12

Utew venar is egkeg̵iyen ku keniyu he ke zuen edtuu kediey, egkehimu zin is nengeveelan ku, asal lavew pa he mekeg̵eg̵ehem is egkeveelan din tenged te ed-ulì a ziyà te Amey ku he Megbevayà.

Juan 7:23

Ne emun egkehimu he edsirkunsidaren is lawa te etew te timpu te Andew te Kedhimeley su wey kenà mesupak is insug̵ù kenitew ni Moises, maan is egkepeukan a keniyu tenged te neulian ku is tivuuk he lawa te etew zutun te timpu te Andew te Kedhimeley?

Nengeulaula 14:9

Ne mibpemineg din is menge lalag ni Pablo. Ne zutun netuenan ni Pablo he zuen kedtuu zutun te etew su wey meulii. Ne midtengtengan sikandin ni Pablo

Nengeulaula 16:18

Ne kada andew zutun iyan en haazà ed-ul-ulahan din. Ne te malù neug̵et, si Pablo, kenè en ebpekeantus ne midlilingey ne migkeg̵iyan din haazà is mezaat he mulin-ulin te, “Pinaag̵i te g̵ehem te ngazan ni Jesu Kristu, egkeg̵iyan ku sikew he med-awè ka keniyan te vahi!” Ne zutundutun mid-ewaan haazà is bahi te mezaat he mulin-ulin.

Nengeulaula 3:6

Ne migkag̵i si Pedro te, “Wazè ku naazen he vulawan wey selapì, iyan, is naazen ku, ibeg̵ey ku kenikew. Tenged te g̵ehem te ngazan ni Jesu Kristu he tigNeserit, ebpekehipanew ka!”

Nengeulaula 3:8

Ne midtik-ew medhitindeg ne midhipanew ne miduma kandan te edseled dutun te simbahan he se mekelinglingketew ne se mekelangkadlangkad he edalig te Megbevayà.

Nengeulaula 4:10

ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag̵i te g̵ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevayà.

Nengeulaula 4:30

Ipelepew nu is gehem nu su wey zey meulii is egkengezeruwan, wey zuen daan menge egkein-inuwan wey singyal he igkepeehè dey pinaag̵i te g̵ehem te ngazan ni Jesus he pinilì nu he sulug̵uen nu.”

Nengeulaula 4:7

Ne impeetuvang dan si Pedro wey si Juan, ne mid-insaan dan te, “Hengkey heini he g̵ehem is ingkeulii kayi te kenà ebpekehipanew, ne hentei is mibeg̵ey keniyu kayi te g̵ehem?”

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

1 Kurintu 13:2

Ne penenglitan ke ebeg̵ayan a te ketau te kedseysey te impesavut kedì te Megbevayà, ne egkesavut ku is minsan hengkey he kenà egkesavut te zuma wey is minsan hengkey he mezalem, ne minsan ke utew mezesen is kedtuu ku ne egkehimu he egkepengelinteuwan ku he mekehalin is buntud ne segugunà edhalin, iyan, ke kenà mahal zini te g̵ehinawa ku is menge zuma ku, ne wazè ku g̵ihapun pulus.