Nengeulaula 3:14 - Manobo Western Bukidnon

¹⁴ iyan, sikiyu, wazè niw mesuati sikandin is wag̵as he wazà kandin he mezaat he ulaula. Midhangyù kew he iyan libriya ni Pilatu kes teremunù he nepirisu.

Nengeulaula 3:14 Кръстосани препратки

Mateo 27:20

Iyan, is menge punuan he memumuhat wey is menge ebmeg̵urangen, migkeg̵iyan dan is menge etew zutun he iyan dan hengyua he melibri si Berabas ne si Jesus, ibpehimetayan.

Marcos 1:24

Ne hein neehè din si Jesus, mibensag sikandin is egkag̵i te, “Sikew, Jesus he tigNeserit, hengkey is lavet nu kenami te menge mulin-ulin? Kela ke iyan inhendini nu is edezeetan key kenikew. Egkekilala ku sikew; iyan ka kes hadì he mibpilì te Megbevayà!”

Marcos 15:11

Iyan, is menge punuan he memumuhat, migkeg̵iyan dan is menge etew he iyan dan hengyua he edlibriyen si Berabas. Ne iyan haazà mid-ulaula zutun te menge etew.

Marcos 15:7

Ne zuen dutun pirisu he egngezanan ki Berabas, ne haazà si Berabas wey is menge zuma zin, ne midsukul zan te gubirnu ne nekepatey sikandin te etew zutun te kedsinamuk dan.

Lucas 1:35

Ne midtavak haazà is belinsug̵uen te, “Is Wag̵as he Mulin-ulin, iyan ebpengelintau kayi ziyan te kenikew ne edlig-enan ka te g̵ehem te Megbevayà. Ne tenged kayi, heini is id-anak nu, pudu metazeng is menge ulaula zin ne egkengezanan sikandin he Anak te Megbevayà.

Lucas 23:25

Ne zutun midlibri ni Pilatu si Berabas he mibpirisu tenged te kedsinamuk din wey kebunua zin te etew. Ne si Jesus, insug̵ù en ni Pilatu he meulaula ziyà te kandin is egkesuatan te menge etew.

Juan 16:10

Ibpesavut din kandan is metazeng he ibayà su ed-ulì ad diyà te Amey ku ne kenè e en egkeahà keniyu.

Juan 18:40

Ne mibpememensag dan te, “Kenà iyan sikandin, kekenà, iyan nu ipaawà si Berabas.” (Ne haazà si Berabas, tulisan.)

Nengeulaula 13:28

Ne minsan pa zutun te wazè dan naahà he salà he zait he idhimetayi kandin, midhangyù dan si Gubirnedur Pilatu he pehimetayi zin si Jesus.

Nengeulaula 2:27

su netuenan ku he kenè nu ebpesegdanen is gimukud ku ziyà te Iveyaan. Siak is metinumanen he sulug̵uen nu, netuenan ku zaan he kenè nu idtug̵ut he meredak is lawa ku.

Nengeulaula 22:14

Ne ke sikandin te, ‘Is Megbevayà te menge apù tew, mibpilì ke zin su wey nu maahà is sulug̵uen din he metazeng wey nu zaan mezineg is egkeg̵iyen kayi kenikew wey nu zaan metueni is egkesuatan din.

Nengeulaula 4:27

Na,” ke sikandan is ed-ampù te, “netuman en kes migkag̵i nu su zini te Hiruselim mid-uyun is menge Hudiyu wey is kenà menge Hudiyu su si Hadì Hirudis wey si Gubirnedur Pilatu, nesevaha zan he ebpekigkuntada ki Jesus he pinilì nu he sulug̵uen he ibpahadì nu.

Nengeulaula 5:28

ke sikandin te, “Imbelaud dey keniyu he kenè niw ipenurù is kedtuu te ngazan ni Jesus. Ne hengkey heini is mid-ulaula niw? Insangyew niw is penurù niw zini te tivuuk he Hiruselim ne kenà taman dà kayi is mid-ulaula niw, kekenà, iyan key pa keniyu ebesulan te kedhimetayi ki Jesus.”

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Santiago 5:6

Su impesilutan niw wey mibunù niw is menge metazeng he etew, minsan pa te wazè dan medsukul keniyu.

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin

1 Juan 2:1

Sikiyu is iring te menge anak ku, iyan ibpesurati ku keniyu is: wey meheg̵eti is kedtuu niw wey kew kenà mekesalà. Iyan, ke zuen ebpekesalà he minsan hentei kenitew, duen datù tew he edtavang kenitew ziyà te etuvangan te Amey tew he Megbevayà. Iyan datù tew si Jesu Kristu he utew metazeng.

Impezayag 3:7

Ne ke sikandin en maan te, “Pesurati nu is belinsug̵uen te Megbevayà he ebantey te menge tumutuu ziyan te inged he Piledilpya. Ne ke sikew te, ‘Siak si Jesus is egkag̵i; iyan a sikan is egkeserig̵an he mibpilì te Megbevayà. Imbeg̵ey kedì is keg̵ehem te kedhadì te g̵inhedian ku iring te kedhadì dengan ni Hadì David. Ne emun duen ebpuwasan ku wey mekeseled dutun te g̵inhedian ku, kenè en egkelekevan te minsan hentei. Ne emun duen etew he edlekevan ku, kenè en daan egkepuwasan te minsan hentei.