Nengeulaula 3:1 - Manobo Western Bukidnon

¹ Ne sengeandew te zutun he timpu mibpezumahà si Pedro wey si Juan is edtekezeg pehendiyà te Valey te Megbevayà su uras en te ked-ampù su liwazè en he ebpenaug is andew.

Nengeulaula 3:1 Кръстосани препратки

Mateo 17:1

Neiwas is heenem dutun he andew ne miduma ni Jesus ensi Pedro, si Santiago, wey si Juan, sikan is hazi ni Santiago, ne midtekezeg dan te metikang he vuntud he iyan dan dà.

Mateo 26:37

Ne miduma zin si Pedro wey sikan is dezuwa he anak ni Sibidiyu. Ne zutun utew neseeng sikandin wey mibmesakit utew is gehinawa zin.

Mateo 27:45

Ne te neudtu en is andew zutun, midtik-ew mebmerusirem is tivuuk he kelibutan seled te menge tetelu he uras.

Lucas 1:10

Ne te kemulu zin pa ed-ul-ulaha haazà, ne mezakel is menge etew ziyà te g̵awas he ebpemen-ampù diyà te Megbevayà.

Lucas 18:10

Ne ke si Jesus te, “Duen dezuwa he etew he midhendiyà te zekelà he simbahan he Valey te Megbevayà su ed-ampù dan. Ne is sevaha zutun, ne Perisiyu, ne is sevaha, ne menunukut te vuhis.

Lucas 22:8

Ne zutun midsug̵ù ni Jesus si Pedro wey si Juan he ibpehuna zin sikandan ne migkeg̵iyan din te, “Huna kew en ne teg̵enaha niw en is idlavung tew kayi te Pista te Kedlevayi.”

Lucas 24:53

Ne andew-andew ne layun sikandan diyà te simbahan he Valey te Megbevayà is edalig te Megbevayà.

Juan 21:7

Ne sikan is sumusundan he mahal ziyà te g̵ehinawa ni Jesus, migkag̵i sikandin diyà te ki Pedro te, “Iyan heeyan sikan is Nengazen tew.” Ne hein netuenan ni Pedro he iyan si Jesus haazà, insun-ud din is kumbalè din he midluwas din, ne mid-umpak diyà te wahig, ne midhendiyà te veyvey.

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 10:30

Ne midtavak si Cornelio te, “Heepat en he andew g̵untaan, te iring kayi he uras dini a te valey te liwazè en ebpenaug is andew su ed-ampù a. Netekewtekew a te mibpaahà kedì is maama he ebpenganlag is bisti zin.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 3:3

Ne hein neehè din si Pedro wey si Juan is edseled dutun te simbahan, mibuyuan din te limus.

Nengeulaula 3:4

Ne midtengtengan sikandin ni Pedro wey ni Juan ne ke si Pedro te, “He Mama, ahaa key kenikew.”

Nengeulaula 4:13

Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.

Nengeulaula 5:25

Ne zutun duen midseled he etew he egkag̵i te, “Sikan is mibpirisu niw, kayi zan te simbahan is ebpenurù te menge etew.”

Nengeulaula 8:14

Ne nezineg te menge epustul ziyà te Hiruselim he neketuu en te Lalag te Megbevayà is menge tigSemarya. Ne tenged dutun midsug̵ù dan diyà si Pedro wey si Juan.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.