Nengeulaula 28:4 - Manobo Western Bukidnon

⁴ Ne is menge etew he meg̵inged dutun hein neehè dan haazà is uled he mibpikit diyà te velad ni Pablo, mibpelelelag̵è dan he egkag̵i te, “Memumunù bes heini su maan is wazà sikandin mekelikey te silut kandin; su minsan te nelibri en sikandin, su wazà melened diyà te zag̵at, egkepatey g̵ihapun.”

Nengeulaula 28:4 Кръстосани препратки

Mateo 23:35

Tenged kayi, iyan kew edsilutan te kebpemunua te langun he menge metazeng he nevunù puunè dà dutun te kedhimetayi ki Abel he metazeng he etew zengan, taman te kedhimetayi te anak ni Berekiyas he si Zacarias he mibunù niw ziyà te pid-elangan te Valey te Megbevayà wey vangkù he pemuhatà.

Mateo 27:25

Ne midtavak is langun he menge etew te, “Uya, kenami en he salà is kedhimetayi kayi wey salà daan te menge kevuwazan dey!”

Lucas 13:2

Ne migkag̵i kandan si Jesus te, “Kunaan niw vuwa ke lavew pa he mekesesalà haazà is menge tigGeliliya, kenà is menge zuma zan he tigGeliliya, ne tenged dutun intug̵ut te Megbevayà he edhimetayan sikandan.

Lucas 13:4

Ne isipa niw zaan is sepulù wey walu he menge etew he nemematey hein nepilayan sikandan te metikang he valey ziyà te Siluwi. Kunaan niw vuwa ke iyan kandan ingkepilayi su utew lavew sikandan he mekesesalà kenà te langun he menge zuma zan he tigHiruselim.

Juan 7:24

Kenè niw isipa he mezaat is ulaula te etew emun wazè niw pa mesusi, kekenà, susiya niw is ulaula zin su wey niw metueni is hustu.”

Nengeulaula 28:2

Ne is menge meg̵inged dutun, utew key zan midtulengezi. Ed-uzan dutun ne utew meg̵enew ne midtetavun dan.

Nengeulaula 28:3

Nengayu si Pablo ne zuen ibpenavuk din he kayu ziyà te hapuy ne zuen mevisa he uled he neinitan he ebpuun dutun te impenavuk din he kayu. Ne migkag̵at diyà te velad ni Pablo.

Nengeulaula 28:5

Iyan, bà dà impirik ni Pablo haazà is uled ne neulug dutun te hapuy ne wazà sikandin mekeizi te uled.

Impezayag 21:8

Iyan, sikan is egkehandek he edsundan kedì wey is menge kenà metinumanen, is menge etew he memahawag is ulaula, is menge memumunù, wey is menge meremerik is betasan, is menge keteuwan he etew, wey menge ed-azap te kenà tutuu he Megbevayà wey is langun he teruen he menge etew, iyan egketemanan dan is id-agbur sikandan diyà te ranew he nepenù te egkeregreg he esupri he iyan ikezuwa he kemetayen,” ke sikandin.