Nengeulaula 28:31 - Manobo Western Bukidnon

³¹ Impesavut din kandan ke egkemenumenu is kedhadì te Megbevayà ne impenurù din daan ke hentei is Nengazen tew he si Jesu Kristu. Ne wazè din ieles is kebpenurù din ne wazà daan midawey kandin.

Nengeulaula 28:31 Кръстосани препратки

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Marcos 1:14

Ne hein impezakep en ni Hadì Hirudis si Juan, midlikù si Jesus diyà te prubinsya he Geliliya ne impesavut din dutun te menge etew is Meupiya he Tudtulanen he ebpuun te Megbevayà.

Lucas 8:1

Nepipira pa zutun he andew ne mibeyaan ni Jesus is mezakel he menge inged, dekelà wey se zeisek, ne impesavut din te menge etew zutun is Meupiya he Tudtulanen mehitenged te kedhedii te Megbevayà te menusiyà. Ne sikan is sepulù wey zezuwa he sumusundan din, miduma zan daan kandin.

Nengeulaula 20:25

Midtukid ku sikiyu weliyi te kedhadì te Megbevayà Ne g̵untaan netuenan ku en he kenà ad maan keniyu egkeahà.

Nengeulaula 23:11

Ne zutun te kebmezukilem din, mibpaahà ki Pablo is Nengazen tew he si Jesus ne migkag̵i te, “Sarig ke zà su iring te impenudtul nu is kedtuu nu kedì dini te Hiruselim, kinahanglan daan he ibpenudtul nu ziyà te inged he Ruma.”

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 28:30

Ne seled te zezuwa pa he tuig dutun, diyà med-ubpà si Pablo te valey he mibpilitiyan din ne impepemenahik din is minsan hentei he ebpenumbaley ziyà te kandin.

Nengeulaula 4:29

Ne ahaa nu man guntaan, Nengazen, is menge pelihandek dan kenami. Iveg̵ey nu kenami g̵untaan te menge sulug̵uen nu is kevurut wey key kenà mahandek te kedsangyew te lalag nu.

Nengeulaula 4:31

Ne hein nekeampù dan, ne neg̵ezam dan he egkehuyung haazà is baley he netig̵uman dan. Ne mibpurungan ulini te Wag̵as he Mulin-ulin is kada sevaha kandan, ne wazè dan ikehandek is kedsengyawa zan te Lalag te Megbevayà.

Nengeulaula 5:42

Ne te kada andew ziyè dan gihapun te simbahan wey ziyà te menge valey is ebpenurù te Meupiya he Tudtulanen te keag̵i ni Jesus, sikan is mibpilì te Megbevayà he ibpahadì.

Nengeulaula 8:12

Ne hein impesavut ni Felipe is Meupiya he Tudtulanen te kedhadì te Megbevayà wey is gehem te ngazan ni Jesu Kristu, neketuu zan ne sikandan is menge vahi wey menge maama, mibpebewtismu zan, ne minsan si Simon, kes selemengkiru, neketuu zutun.

Pilipus 1:14

Ne kenà duen dà taman su is kezekelan te menge zuma tew he tumutuu, ingkeheg̵et te kedsarig dan te Nengazen heini is kebpirisuwa kedì. Ne tenged kayi ed-iseg is sigudu zan te kedsengyawa te Lalag te Megbevayà ne kenè dan en egkehandek.

2 Timoteo 2:9

Ne tenged kayi te kebpenudtul ku te Meupiya he Tudtulanen midrasey a te menge kuntada te Megbevayà ne neeg̵en a te kedina he iring te mesinupaken, iyan, kenà mulà egkeeg̵en is Lalag te Megbevayà.

2 Timoteo 4:17

Minsan pa zutun midtevangan a te Nengazen ne midlig-enan e zin ne tenged dutun nepurungan ku te edsangyew is Meupiya he Tudtulanen diyà te langun he menge etew zutun he kenà menge Hudiyu. Ne tenged dutun nelibri a ne wazà a mehimetayi.