Nengeulaula 28:30 - Manobo Western Bukidnon

³⁰ Ne seled te zezuwa pa he tuig dutun, diyà med-ubpà si Pablo te valey he mibpilitiyan din ne impepemenahik din is minsan hentei he ebpenumbaley ziyà te kandin.

Nengeulaula 28:30 Кръстосани препратки

Juan 1:39

Ne midtavak si Jesus te, “Duma kew kedì wey niw maahà.” Ne miduma zan ne neehè dan is ed-ubpaan din. Mahapun en dutun ne wey zan med-ulì hein mezukilem en.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 24:27

Ne hein dezuwa en he tuig dutun nekeilis si Pursyu Pistu ki Felix he gubirnedur. Ne si Felix, geina te egkesuatan din he wazà ibmezaat te g̵ehinawa te menge Hudiyu kandin, wazè din libriya si Pablo.

Nengeulaula 28:16

Ne hein diyè key en te Ruma wazà si Pablo iseled te pirisuwan, kekenà, impeveyàbayà sikandin ke hendei ed-ubpà, asal zuen sundaru he ebantey kandin.

Nengeulaula 28:29

Ne te nekag̵i ni Pablo haazà mid-awà is menge Hudiyu he utew gerabi is kegkesumpakì dan.

Nengeulaula 28:31

Impesavut din kandan ke egkemenumenu is kedhadì te Megbevayà ne impenurù din daan ke hentei is Nengazen tew he si Jesu Kristu. Ne wazè din ieles is kebpenurù din ne wazà daan midawey kandin.

Ruma 15:32

Ne emun egketapus heini, wey ke egkesuatan te Megbevayà, ebpekehendiyan a te keniyu he utew zekelà is kelipey ku ne egkehimu he ebmelinawen is ked-isip-isip ku pinaag̵i te kebpenumbaley ku ziyan te keniyu.

2 Kurintu 11:23

Netuenan ku he henduen a te ebuneg̵en kayi te menge lalag ku, iyan, kenà egkesabpeng is bèbè ku kayi te egkeg̵iyen ku. Egkeg̵iyen dan he menge sulug̵uen sikandan ni Kristu. Siak, lavew e pa he metinumanen he sulug̵uen ni Kristu. Utew memereg̵en is ebpeveelan din kediey. Lelayun ad egkepirisu ne sikandan, kenà layun. Lelayun ad ebug̵ela te menge etew he kuntada te Megbevayà, kenà te sikandan. Mezakel en is nengeeg̵iyan ku he edhimetayan a pezem, kenà te sikandan.

2 Kurintu 6:5

Mibug̵el key, mibpirisu key, mibpesipelahan key te edsinamuk. Duen timpu he utew subra is terebahu zey ne nepurang key ne nevitil key zaan.

Pilipus 1:13

Su is langun he menge sundaru he guwardya zini te turug̵an te hadì wey is minsan hentei pa kayi, ne netuenan dan he mibpirisu a tenged dà te sulug̵uen a ni Kristu.

2 Timoteo 1:17

kekenà, dutun dà te kebpekeuma zin dini te Ruma, mibpeniguduwan e zin pen-ahaa taman te neturedu e zin.

2 Timoteo 4:2

Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.