Nengeulaula 28:23 - Manobo Western Bukidnon

²³ Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 28:23 Кръстосани препратки

Marcos 4:34

Pudu menge sempità is impezineg ni Jesus diyà te menge etew, iyan, emun iyan dan dà te menge sumusundan din, ne ibpesavut din kandan is kehulug̵an dutun te menge sempità he penurù din.

Lucas 16:28

su zuen lelima he hazi ku he maama. Ne kinahanglan he metueni zan he zaan wey zan kenà mekehendini te ubpeey te ebpenresayen.’

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Nengeulaula 18:28

Su utew mezesen is menge ketezengan din dutun te insurat he Lalag te Megbevayà he iyan si Jesus sikan is mibpilì te Megbevayà he ibpahadì. Ne pinaag̵i zutun, diyà te etuvangan te mezakel he menge etew, nezaag din is menge Hudiyu he mibpekidibati kandin.

Nengeulaula 18:4

Ne kada Sebadu edhendiyà si Pablo te menge simbahan te menge Hudiyu is ebpekidlewanà su wey mesavut te menge Hudiyu wey menge Gerisyahanen he tutuu is ibpenurù din.

Nengeulaula 19:8

Ne kada Sebadu taman te tetelu he vulan mibpekiduma si Pablo te menge Hudiyu zutun te kedsimba zan, ne wazè din ikelenew is kebpenurù din kandan. Mezakel is menge ketezengan he imbeg̵ey zin kandan wey zan meketuu te penurù din mehitenged te kedhadì te Megbevayà.

Nengeulaula 23:11

Ne zutun te kebmezukilem din, mibpaahà ki Pablo is Nengazen tew he si Jesus ne migkag̵i te, “Sarig ke zà su iring te impenudtul nu is kedtuu nu kedì dini te Hiruselim, kinahanglan daan he ibpenudtul nu ziyà te inged he Ruma.”

Nengeulaula 24:14

Iyan, kenè ku igkeeled he egkeg̵iyen ku kenikew he ed-ezapen ku is Megbevayà he ed-ezapen daan dengan te menge kepuun dey. Iyan, heini is tuluuwen he edsunuzen ku, egkeg̵iyen kayi te menge etew he tarù. Ne edsunuzen ku zaan is langun he insurat duen te kesug̵uan he imbilinbilin dengan ni Moises wey is insurat dengan te ebpemeneuven te Megbevayà.

Nengeulaula 26:6

Ne g̵untaan dini ad te etuvangan nu tenged dà te edtuuwen ku he egketuman keuzemà is impesarig dengan te Megbevayà diyà te menge kepuun tew.

Nengeulaula 28:31

Impesavut din kandan ke egkemenumenu is kedhadì te Megbevayà ne impenurù din daan ke hentei is Nengazen tew he si Jesu Kristu. Ne wazè din ieles is kebpenurù din ne wazà daan midawey kandin.

Nengeulaula 8:35

Ne zutun midseysayan sikandin ni Felipe. Midhunaan din haazà is ebesahan te upisyal ne impesavut din kandin is Meupiya he Tudtulanen te keag̵i ni Jesus.

Pilimun 1:22

Ne zuen pa idhangyù ku he iyan is: endami a zaan te edhizeg̵aan ku ziyan, su zekelà is kedsarig ku he pinaag̵i te ked-ampù niw, idtug̵ut te Megbevayà he mekehendiyan a te keniyu.