Nengeulaula 28:21 - Manobo Western Bukidnon

²¹ Ne migkeg̵iyan dan si Pablo te, “Wazà surat he nezawat dey he ebpuun diyà te prubinsya he Hudiya he ebpesavut mehitenged kenikew. Ne wazà daan nekeuma he zuma zey he ebpuun diyà te Hudiya he zuen din tudtul mehitenged te mid-ulaula nu he mezaat.

Nengeulaula 28:21 Кръстосани препратки

Nengeulaula 22:5

Is lavew he memumuhat wey is langun he ebmeg̵urangen tew, ebpeketistig̵us dan he tutuu heini is egkeg̵iyen ku keniyu su mibeg̵ayan e zan te menge surat he impeuwit dan kedì diyà te menge zuma zan he Hudiyu ziyà te inged he Demasku. Umba edhendiyà a su wey ku mezakep dutun is menge tumutuu ki Jesus su ed-uwiten ku sikandan dini te Hiruselim wey mesiluti sikandan.

Nengeulaula 28:14

Duen menge tumutuu zutun he neuma zey ne mid-eg̵ut key zan he med-ubpè key ziyà te kandan seled te sengesimana. Ne zutun midlaus key medhipanew pehendiyà te Ruma. Hein nezineg te menge tumutuu ziyà te Ruma he ebpekeuma key en, midsinug̵ung key zan diyà te mirkadu ni Apio wey zuen daan diyà te egngezanan te Tetelu he Valey he Hulevungà. Ne hein naahà sikandan ni Pablo mibpeselamat sikandin te Megbevayà ne neteg̵uan sikandin te kebpekesarig ne zutun nekeuma key human diyà te inged he Ruma.

Nengeulaula 3:17

Ne g̵untaan menge suled, netuenan ku he sikiyu wey is menge punuan tew, mibeelan niw is mezaat diyà te ki Jesus tenged te wazè niw mesavut ke hentei sikandin.

Ruma 9:3

Ne ke egkehimu, egkesuatan ku pezem he iyan a edsilutan he ilis kandan ne ewaa is kebpekidsevaha ku ki Kristu su wey iyan sikandan melibri te silut.