Nengeulaula 28:18 - Manobo Western Bukidnon

¹⁸ Ne is menge Rumanu, mid-imbistige e zan ne ibpaawè e zan pezem su netuenan dan he wazà mid-ulaula ku he zait he igkehimetayi kediey.

Nengeulaula 28:18 Кръстосани препратки

Nengeulaula 22:30

Ne hein nepawà impaawà dutun te kepitan si Pablo. Egkesuatan din he metueni zin ke hengkey is insumbunga ki Pablo te menge Hudiyu, umba midtig̵um din is menge punuan he memumuhat wey is langun he menge ebmeg̵urangen. Ne migkuwa zin si Pablo ne impeetuvang din.

Nengeulaula 23:29

Ne zutun netuenan ku he wazè bes mezaat he ulaula zin he zait he igkepirisuwa wey igkepehimetayi kandin. Iyan dà insumbunga kandin is kedsupaka zin te menge vetasan dan dutun te kesug̵uan dan.

Nengeulaula 24:10

Ne mid-uyawan dutun te gubirnedur si Pablo he iyan tuus te ibpekag̵i sikandin. Ne migkag̵i si Pablo ziyà te kandin te, “Netuenan ku he neug̵et ke en he edumala kayi te prubinsya tew, umba kenà a egkelenew he ebpezayag te ketezengan ku kayi te etuvangan nu.

Nengeulaula 24:22

Ne zutun midsirahan dè pa ni Felix haazà is husayen su nesayud sikandin he zaan ke hengkey is tuluuwen he midtuuwan te menge tumutuu ki Jesus. Ke sikandin te, “Wey ku en ibeg̵ey is kedì he hukum ke ebpekeuma si Kepitan Lisyas.”

Nengeulaula 25:25

Iyan, hein midsusi ku, wazè ku netuenan he mid-ulaula zin he zait he igkehimetayi kandin. Ne g̵eina te ebpetavang te hadì tew ziyà te Ruma, neisip ku he ibpeuwit ku sikandin diyà te hadì.