Nengeulaula 27:5 - Manobo Western Bukidnon

⁵ Ne hein nekerapas key en te zag̵at he ziyà te uvey te menge prubinsya he Silisya wey Pempilya, midunggù key ziyà te inged he Mira he ziyà te prubinsya he Lisya.

Nengeulaula 27:5 Кръстосани препратки

Nengeulaula 13:13

Ne si Pablo wey is menge zuma zin, mid-awè dan dutun te inged he Pepus ne mid-untud dan te barku. Ne midhendiyè dan te prubinsya he Pempilya, diyà te inged he Pirga. Ne si Juan mulà, mid-ewaan din sikandan ne mid-ulì diyà te Hiruselim.

Nengeulaula 15:23

Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.

Nengeulaula 15:38

iyan, kenà mulà egkesuat si Pablo he mezuma si Juan Marcos su mid-engked sikandin he edtavang kandan ne mid-ewaan din sikandan dengan hein diyè dan te Pempilya.

Nengeulaula 15:41

Ne mid-eneb dan is menge prubinsya he Sirya wey Silisya ne midheg̵etan dan is kedtuu te menge tumutuu.

Nengeulaula 2:10

menge tigPrigya, menge tigPempilya, menge tig-Ihiptu wey ebpemuun te menge inged diyà te Libya he uvey te Sirini. Ne zuen daan dini minsan menge tigRuma he menge Hudiyu wey kenà menge Hudiyu he nemeketuu zaan te tinuuwan te menge Hudiyu.

Nengeulaula 21:39

Ne midtavak si Pablo te, “Hudiyu a he sakup te zekelà he inged diyà te prubinsya he Silisya su ziyà a ianak te Tarsu. Edhengyuen ku kenikew he tug̵uti a he melelag̵i ku is menge etew.”

Nengeulaula 22:3

“Hudiyu e man; diyà a ianak te prubinsya he Silisya, diyà te inged he Tarsu asal kayi a medekelà te Hiruselim su mibpenurù a ni Gemelil. Impenurù kediey is kebpurungi kedtumana te kesug̵uan he nesunud te g̵in-epuan tew. Utew meheg̵et dutun is kedtumana ku te kunaan ku he ibpetuman kedì te Megbevayà su iring a keniyu g̵untaan.

Nengeulaula 6:9

Ne zuen daan menge kuntada ni Esteban. Iyan is menge Hudiyu he ziyà edsimba te egngezanan te Simbahan te menge Uripen he Nengevelukasan. Is duma kandan ne menge tigSirini, tig-Elihendriya, tigSilisya, wey tig-Asya. Ne ebpekidlewanè dan ki Esteban.

Gelasya 1:21

Ne zutun mibeyaan ku is prubinsya he Sirya wey Silisya.