Nengeulaula 27:40 - Manobo Western Bukidnon

⁴⁰ Ne zutun migetas dan is menge pisì he inhiket dutun te menge perivatu su wey metag̵ak is menge perivatu, ne mibpenhekad dan is menge vagkes dutun te menge vegsey he idtandang dutun te barku su egemiten dan. Intaud dan is layag he ziyà te egkehuna he zulung su wey meuwit te keramag is barku pehendutun te tanà. Ne zutun migenat is barku.

Nengeulaula 27:40 Кръстосани препратки

Mateo 4:18

Sevaha he andew te edhipanew si Jesus diyà te veyvey te ranew he Geliliya, neehè din is dezuwa he maama, si Simon (kes mid-umanan din ngezani ki Pedro) wey is hazi ni Simon he si Andres. Ebpenlaya sikandan diyà te ranew su menlelaya sikandan.

Nengeulaula 27:17

Mibitbit dan ne in-untud dan. Ne zutun mibagkes dan haazà is barku te menge pisì su wey kenà mewag̵ey. Ne g̵eina te egkehandek dan su kela ke mewag̵ey is barku ke mekesukung te memevavew he tanà he uvey zutun te veyvey te tanà he Libya, ne in-awè dan is layag ne mibpesagdan dan is barku ke hendei ed-uwita te keramag.

Nengeulaula 27:41

Ne nekesukung haazà is barku te mevavew he tanà ne mid-enget. Is egkehuna he zulung kenè en egkewaleng, iyan, is huziyan he zulung egkerupet en te kezesen te zezekelà he menge vag̵el.