Nengeulaula 27:38 - Manobo Western Bukidnon

³⁸ Ne hein nengehantey key en pudu, intimbag dan diyà te zag̵at is karga zutun te barku he veg̵as te trigu su wey mebmahagkap haazà is barku.

Nengeulaula 27:38 Кръстосани препратки

Mateo 16:26

Minsan ke maangken pa te etew is tivuuk he kelibutan, wazà pulus diyà te kandin ke kenà sikandin egkeveg̵ayan te untung he wazà pidtemanan, su wazà minsan hengkey he azen he igkeliwè din wey zin maangken is untung he wazà pidtemanan.

Mateo 4:18

Sevaha he andew te edhipanew si Jesus diyà te veyvey te ranew he Geliliya, neehè din is dezuwa he maama, si Simon (kes mid-umanan din ngezani ki Pedro) wey is hazi ni Simon he si Andres. Ebpenlaya sikandan diyà te ranew su menlelaya sikandan.

Mateo 6:25

Ne tenged kayi, egkeg̵iyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw. Kenè kew zaan meseeng te ugelingen he idsun-ud te lawa niw. Su mibeg̵ayan kew te Megbevayà te g̵ehinawa niw wey lawa niw he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?

Lucas 12:23

Su mibeg̵ayan kew te Megbevayà te g̵ehinawa wey lawa he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.