Nengeulaula 27:37 - Manobo Western Bukidnon

³⁷ Ne is kezakel zey te menge etew zutun te barku ne zezuwa key he g̵atus wey kepituwan wey heenem.

Nengeulaula 27:37 Кръстосани препратки

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Nengeulaula 27:38

Ne hein nengehantey key en pudu, intimbag dan diyà te zag̵at is karga zutun te barku he veg̵as te trigu su wey mebmahagkap haazà is barku.

Nengeulaula 7:14

Ne intelaan ni Jose is amey zin he medhendiyà te kandin wey is langun he kezuzumahi zin. Ne zutun midhendiyà ensi Hakub te Ihiptu. Is kezakel zan dutun te midhendiyà te Ihiptu, ne kepituwan wey lelima he etew. Ne hein neug̵et, minatey si Hakub diyà te Ihiptu ne minatey zaan kes menge anak din he kepuun tew.

Ruma 13:1

Ne kinahanglan he edtuman kiw te velaud te gubirnu is minsan hentei kenitew. Su wazà ebpemunuan te inged he wazà itug̵ut te Megbevayà he mekepemunuan wey wazà gubirnu he wazà tukuza te Megbevayà.

1 Pedro 3:20

Iyan heini menge etew zengan he wazà mebpemineg te Megbevayà dutun te timpu zengan hein ebpelevayen din dà is memezaat he ulaula zan taman te nepasad ni Noe is kebeeli zin te arka. Walu zà he etew is nekeseled dutun te arka wey zan melibri te wahig.