Nengeulaula 27:24 - Manobo Western Bukidnon

²⁴ ne ke sikandin te, ‘He Pablo, kenè ka mahandek. Kinahanglan he ziyè ka mekeetuvang te lavew he hadì diyà te Ruma. Ne is Megbevayà, tenged te g̵ag̵ew zin kenikew, intug̵ut din daan he wazà minsan sevaha kayi te menge zuma niw he egkepatey.’

Nengeulaula 27:24 Кръстосани препратки

Mateo 10:18

Ebpeg̵esen kew zan he mekeetuvang te menge gubirnedur wey menge hadì tenged te kedtuu niw kedì wey niw ikewali is Meupiya he Tudtulanen diyà te kandan wey ziyà daan te menge etew he kenà menge Hudiyu.

Mateo 10:28

Kenè kew mahandek te menge etew zà duen su iyan dà egkepatey zan is lawa niw; ne kenè dan egkepatey is gimukud niw. Iyan ikehandek niw is Megbevayà su egkepatey zin is lawa wey minsan is gimukud niw pinaag̵i te Impirnu.

Juan 11:9

Ne midtavak si Jesus te, “Sepulù wey zezuwa he uras is sengeandew, ne ke zuen edhipanew te maandew kenà ebpekesipà su egketeyawan sikandin te andew.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 23:11

Ne zutun te kebmezukilem din, mibpaahà ki Pablo is Nengazen tew he si Jesus ne migkag̵i te, “Sarig ke zà su iring te impenudtul nu is kedtuu nu kedì dini te Hiruselim, kinahanglan daan he ibpenudtul nu ziyà te inged he Ruma.”

Nengeulaula 25:11

Emun nekesupak a te velaud pinaag̵i te mid-ulaula ku he zait he igkehimetayi kedì, ne kenè ku zaan ed-engkezan is silut kedì. Iyan, ke kenà tutuu is menge insumbunga zan kedì wazà minsan hentei he zuen gehem he ebpalad kedì diyà te kandan. Ne tenged kayi egkesuatan ku he iyan ed-imbistiga kedì si Cesar is hadì tew ziyà te Ruma.”

Nengeulaula 27:31

Iyan, migkag̵i zutun si Pablo ziyà te serhintu wey menge sundaru zin te, “Emun ed-ewaan kew te menge terebahanti kayi, kenè kew en egkelibri.”

Nengeulaula 27:37

Ne is kezakel zey te menge etew zutun te barku ne zezuwa key he g̵atus wey kepituwan wey heenem.

Nengeulaula 27:42

Ne neisip te menge sundaru he ebpenhimetayan dan is menge pirisu su wey kenè dan mekeg̵aun dutun te veyvey ne kenè dan egkepeleg̵uyan haazà is menge sundaru.

Nengeulaula 27:44

ne is kenà metau he ed-emparas, megeg̵entungan te menge tabla wey te nengerupet he pengawid te barku ne medsunud dan. Ne mid-ulaula zey haazà. Ne sikami is langun, nekeg̵aun he wazà nekeizan kenami.

Nengeulaula 9:15

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

Pilimun 1:22

Ne zuen pa idhangyù ku he iyan is: endami a zaan te edhizeg̵aan ku ziyan, su zekelà is kedsarig ku he pinaag̵i te ked-ampù niw, idtug̵ut te Megbevayà he mekehendiyan a te keniyu.

Santiago 5:16

Ne tenged dutun kinahanglan he petudtudtulè kew te menge salè niw su wey iampù te kada sevaha is duma zin ne wey meulii is egkengezeruwan. Utew mekeg̵eg̵ehem is ked-ampù te metazeng he etew.

Impezayag 1:17

Ne hein neehè ku sikandin, nekelangkeb a ziyà te etuvangan din ne henduen a te minatey. Ne indampè din kediey is kewanan he palad din ne ke sikandin te, “Kenè ka mahandek su iyan a sikan is puunà wey kes egkepengkusan te langun.