Nengeulaula 27:21 - Manobo Western Bukidnon

²¹ Ne zutun, neug̵et he wazè dey nekaan ne midhitindeg si Pablo ne migkag̵i te, “Menge zuma ku, angin ke mibpemineg kew te sambag ku he kenè kiw ed-awà diyà te pulu he Krita, su kenè tew g̵eina egkeseg̵azan heini is hitavù kenitew.

Nengeulaula 27:21 Кръстосани препратки

Nengeulaula 27:12

Ne is dungguan dutun, kenà meupiya he edsevukan te barku emun tipenguzan. Umba, iyan egkesuatan te kezekelan te menge zuma zey is edlaus key en wey key mekeuma ziyà te Pinisi ke egkehimu. Su is Pinisi, dungguan diyà te pulu he Krita he neelangan is keramag ne zutun is meupiya he edsevukan te barku taman te egketapus haazà is tipenguzan.

Nengeulaula 27:13

Ne zutun ebpuun en ebpengeramag, asal kenà mevendes he ziyà ebpuun te zapit te Libya. Ne kunaan dan ke iyan edtuman is neisip dan, umba midtines dan is perivatu zutun te barku ne migenat key. Ne wazè key mebpekeziyù te veyvey te pulu he Krita.

Nengeulaula 27:20

Ne seled te mezakel he andew wazà mebpaahà kenami is andew wey menge vituen ne wazè pa med-engked haazà is bagyu he utew mezesen. Ne zutun wazè dey en isipa he egkelibri key pa.

Nengeulaula 27:7

Ne utew menaney haazà is hipanew zey ne nepipira he andew zutun ne human key mekelavey te inged he Nidu asal nereg̵enan key. Ne g̵eina te kemulu zey pa egkesinug̵ung is bendes te keramag, midhalin key te ibayà ne ziyè key mebayà te zivaluy te pulu he Krita he egkeelangan haazà is keramag, ne midlevayan dey is beyvey he egngezanan te Salmun.