Nengeulaula 27:13 - Manobo Western Bukidnon

¹³ Ne zutun ebpuun en ebpengeramag, asal kenà mevendes he ziyà ebpuun te zapit te Libya. Ne kunaan dan ke iyan edtuman is neisip dan, umba midtines dan is perivatu zutun te barku ne migenat key. Ne wazè key mebpekeziyù te veyvey te pulu he Krita.

Nengeulaula 27:13 Кръстосани препратки

Lucas 12:55

Ne emun ebpengeramag he ebpuun te zapit te zivavà ne ke sikiyu te, ‘Ebmeinit utew g̵untaan,’ ne ed-andew iyan.

Nengeulaula 2:11

Duen daan menge tigKrita wey menge tig-Erabya. Ne minsan pa te kenà ebpeked-iiring is kineg̵iyan tew, is kada sevaha kenitew, nesavut din is egkeg̵iyen su kandin he keugelingen he kineg̵iyan is egkeg̵amit kayi te menge tigGeliliya. Ne impesavut dan kenitew is utew meupiya he egkein-inuwan he vaal te Megbevayà,” ke sikandan.

Nengeulaula 27:12

Ne is dungguan dutun, kenà meupiya he edsevukan te barku emun tipenguzan. Umba, iyan egkesuatan te kezekelan te menge zuma zey is edlaus key en wey key mekeuma ziyà te Pinisi ke egkehimu. Su is Pinisi, dungguan diyà te pulu he Krita he neelangan is keramag ne zutun is meupiya he edsevukan te barku taman te egketapus haazà is tipenguzan.

Nengeulaula 27:21

Ne zutun, neug̵et he wazè dey nekaan ne midhitindeg si Pablo ne migkag̵i te, “Menge zuma ku, angin ke mibpemineg kew te sambag ku he kenè kiw ed-awà diyà te pulu he Krita, su kenè tew g̵eina egkeseg̵azan heini is hitavù kenitew.

Nengeulaula 27:8

Ne wazè key mebpekeziyù te veyvey ne utew mereg̵en is hipanew zey. Ne hein neug̵et nekezunggù key ziyà te egngezanan te Memeupiya he Dungguan he uvey te inged he Lasya.

Tito 1:12

Duen nevantug he menenagnà he zuma zan he tigKrita he migkag̵i te, “Teruen wey utew lalung is menge etew zini te Krita. Utew zan egkeepesi is kedterebahu, iyan, utew zan egkesuati is kegkaan.”

Tito 1:5

Iyan integ̵aka ku kenikew ziyan te Krita is wey nu mehimasad is menge vaal he wazè ta mepasad, ne wey nu zaan mepilì diyà te kada inged is menge ebmeg̵urangen he egkeserig̵an te menge tumutuu. Emun ebpilien nu is menge ebmeg̵urangen, ul-ulaha nu is intelaan ku kenikew.