Nengeulaula 27:11 - Manobo Western Bukidnon

¹¹ Iyan, is serhintu zutun, wazè din pemineg̵a haazà is sambag ni Pablo su midsarig te lalag te kepitan wey lalag te teg̵ig̵aked dutun te barku.

Nengeulaula 27:11 Кръстосани препратки

Nengeulaula 27:21

Ne zutun, neug̵et he wazè dey nekaan ne midhitindeg si Pablo ne migkag̵i te, “Menge zuma ku, angin ke mibpemineg kew te sambag ku he kenè kiw ed-awà diyà te pulu he Krita, su kenè tew g̵eina egkeseg̵azan heini is hitavù kenitew.

Hibriyuhanen 11:7

Ne zuen daan kedtuu ni Noe su hein midleg̵uyan sikandin te Megbevayà te limas he egkehitavù, midtuuwan din, minsan te wazè din pa maahà haazà is limas. Ne mibeelan din is dekelà he avang he egngezanan te arka ne hein midlapey is dag̵at, nelibri sikandin wey is pemilya zin ne wazè dan melened. Ne pinaag̵i zutun te kedtuu zin, impesavut din he zait he edlimasen te Megbevayà is tivuuk he mekesesalà he menusiyà. Ne zutun mid-isip sikandin te Megbevayà he metazeng tenged te midtuuwan din is migkag̵i te Megbevayà.

Santiago 3:4

Ne minsan is utew zekelà he barku he egkeuwit te mevendes he keramag, egketandang ta is ibayè din pinaag̵i te utew zeisek he pengawid din.

Impezayag 18:17

Iyan, seled te sengeuras dà, naamin mezeeti is langun he ketig̵eyunan dan!” ke sikandan. Ne is menge kepitan te barku wey is menge pesehiru wey menge edterebahu zutun te menge barku wey is langun he ebpemetig̵ayun pinaag̵i te zag̵at, ne ebpekeziyù dan is ebpantew ne emun egkeehè dan is evel zutun te kebinsuli zutun te inged,