Nengeulaula 27:1 - Manobo Western Bukidnon

¹ Ne hein neisip dan he ibpeuntud key en te barku su ibpeuwit key ziyà te Italya, impalad dan si Pablo wey is duma pa he pirisu ziyà te ki Julio. Si Julio, serhintu sikandin te kumpeniya te sundaru he egngezanan te Kumpeniya te Lavew he Hadì.

Nengeulaula 27:1 Кръстосани препратки

Mateo 27:54

Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Lucas 23:47

Ne zutun, sikan is kepitan te menge sundaru zutun, hein neehè din heini is neulaula ne nekezalig te Megbevayà, ke sikandin te, “Tutuu ves iyan he wazà mezaat he ulaula kayi he etew!”

Lucas 7:2

Ne zuen dutun etew he kenà Hudiyu he kepitan te nenggatus he sundaru he zuen din sulug̵uen he maama he utew zin minahal. Ne heini is sulug̵uen ne egketigbak is egkezeruwan su edluwàluwè en te g̵ehinawa.

Nengeulaula 10:1

Ne ziyà te inged he Sisarya zuen etew he kenà Hudiyu he egngezanan ki Cornelio. Kepitan sikandin te kumpeniya te menge sundaru he Rumanu, sikan is migngezanan te kumpeniya te menge tig-Italya.

Nengeulaula 10:22

Ne migkag̵i zan te, “Impehendini key ni Kepitan Cornelio. Metazeng sikandin he etew. Ed-azap sikandin te Megbevayà, ne telehuzen daan sikandin te langun he menge Hudiyu. Migkeg̵iyan sikandin te velinsug̵uen te Megbevayà te, ‘Ipaangey nu si Simon Pedro wey nu mezineg is ibpesavut din,’ ” ke sikandan.

Nengeulaula 16:10

Ne zutun dà te neehè din en heini, nen-ehè key te paag̵i wey key mekelaus diyà te Mesidunya su nesavut dey he intuvad kenami is kedsengyawa te Meupiya he Tudtulanen diyà te menge tigMesidunya.

Nengeulaula 18:2

Ne zutun neuma zin is dezuwa he Hudiyu he teleesawa he tigPuntu, si Ekilu wey is esawa zin he si Priscila. Beg̵u pa sikandan he nekeuma zutun he ebpuun te Italya su zuen belaud ni Hadì Claudio he ibpaawà diyà te inged he Ruma is langun he menge Hudiyu. Ne mibpenumbelayan sikandan ni Pablo

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 21:32

Ne is kepitan duma is menge sundaru, migaanggaan dan is edhendutun te nengevurun he menge etew. Ne hein naahà te menge etew haazà is kepitan wey menge sundaru, mid-engkezan dan te ebpemug̵el si Pablo.

Nengeulaula 22:26

Ne hein nezineg haazà dutun te serhintu, mibeyaan din is kepitan, ke sikandin te, “Maan is ibpevug̵el nu kenami is etew he sakup te Ruma?”

Nengeulaula 23:11

Ne zutun te kebmezukilem din, mibpaahà ki Pablo is Nengazen tew he si Jesus ne migkag̵i te, “Sarig ke zà su iring te impenudtul nu is kedtuu nu kedì dini te Hiruselim, kinahanglan daan he ibpenudtul nu ziyà te inged he Ruma.”

Nengeulaula 23:17

Ne si Pablo, mid-umew zin is sundaru ne ke sikandin te, “Dumaha nu heini is kenakan diyà te kepitan su zuen egkeg̵iyen din kandin.”

Nengeulaula 24:23

Ne migkeg̵iyan din sikan is serhintu he kenè din engkezi te ebantey si Pablo asal kinahanglan daan he elimahi zin sikandin ne egkehimu he ebpenumbelayan si Pablo te menge emig̵u zin ne egkehimu zaan he edtevangan dan sikandin.

Nengeulaula 25:12

Ne zutun mid-insaan ni Pistu is menge sumesambag din ne human din keg̵iyi si Pablo te, “Geina te ebpeimbistiga ka te hadì tew ziyà te Ruma, ibpeuwit ku sikew ziyà te kandin.”

Nengeulaula 25:25

Iyan, hein midsusi ku, wazè ku netuenan he mid-ulaula zin he zait he igkehimetayi kandin. Ne g̵eina te ebpetavang te hadì tew ziyà te Ruma, neisip ku he ibpeuwit ku sikandin diyà te hadì.

Nengeulaula 27:11

Iyan, is serhintu zutun, wazè din pemineg̵a haazà is sambag ni Pablo su midsarig te lalag te kepitan wey lalag te teg̵ig̵aked dutun te barku.

Nengeulaula 27:43

Iyan, is serhintu, kenè din egkesuatan he mehimetayi si Pablo ne wazè din itug̵ut he mehimetayi sikandan. Insug̵ù din he med-agbur is metau he ed-emparas wey mekeg̵aun,

Nengeulaula 27:6

Ne zutun, nekeahà is serhintu te sevaha he barku he tig-Elihendriya he edhendiyà te tanà he Italya ne impeuntud key zin.

Nengeulaula 28:1

Ne hein nekeg̵aun key he wazà nemenu kenami, netuenan dey is ngazan dutun te pulu ne Malta.

Nengeulaula 28:16

Ne hein diyè key en te Ruma wazà si Pablo iseled te pirisuwan, kekenà, impeveyàbayà sikandin ke hendei ed-ubpà, asal zuen sundaru he ebantey kandin.

Hibriyuhanen 13:24

Ipengemusta a keniyu te langun he menge egalen niw wey te langun he menge sakup te Megbevayà diyan. Is menge suled tew zini te Italya, ne ebpengemusta zaan sikandan keniyu.