Nengeulaula 26:7 - Manobo Western Bukidnon

⁷ Ne sikitew is tivuuk he kehudiyuwan he nevahin te sepulù wey zezuwa he tribu, edtuuwan tew he egketuman heini. Ne tenged kayi, te andew wey mezukilem ed-azap kiw te Megbevayà. Na, Mahal he Hadì, minsan te iyan heini midtuuwan ku zaan, migamit dan he insumbunga zan kedì.

Nengeulaula 26:7 Кръстосани препратки

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Lucas 2:25

Ne zuen dutun maama he ed-ubpà diyà te Hiruselim he egngezanan ki Simeon. Metazeng haazà he etew he layun edsimba te Megbevayà. Kenà egkeawà diyà te g̵ehinawa zin is kebperetenga zin te kegketuman te midtagnà dengan he zuen timpu he edlibriyen te Megbevayà is nengepilì din he menge etew he menge kevuwazan ni Israyil. Layun ed-ulinan si Simeon te Wag̵as he Mulin-ulin.

Lucas 22:30

Keuzemà ke edhadì a ne ebpinuu kew zuma kedì su ebpetugtug̵enè kiw is egkaan wey ed-inum. Ne ibpehadì ku sikiyu te menge kevuwazan duen te sepulù wey zezuwa he menge anak ni Israyil.”

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

Nengeulaula 24:15

Is edtuuwan kayi te menge etew, edtuuwan ku zaan su edtuu a he is Megbevayà, ebenhawen din keuzemà is langun he etew, se meupiya is ulaula zin se mezaat is ulaula zin.

Nengeulaula 26:2

“Hadì Egripa, utew ku ingkelipey is kebpekeetuvang ku kenikew g̵untaan wey ku ikepezineg is menge ketezengan ku tenged te langun he menge sumbung te menge Hudiyu mehitenged kedì.

Nengeulaula 26:3

Iyan ingkelipey ku su g̵eina te nepurung nu mesavut is menge kegkesumpakì wey vetasan tew te menge Hudiyu. Umba edhengyuen ku kenikew he pemineg̵a nu is egkeg̵iyen ku.

Nengeulaula 28:20

Umba mibpenenawag a keniyu su wey a mekepekidlalag keniyu. Su nepusasan a tenged te kedtuu ku te hadì he ibulus he ebpeebuten tew te menge Hudiyu.”

Pilipus 3:11

Umba egkesuatan ku heini su wey mehimu he mevanhew a keuzemà.

1 Tiselunika 3:10

Su maandew wey mezukilem ebpenigudu key ed-ampù he itug̵ut din he memeked-uuma kiw en maan wey zey meheg̵et is kedtuu niw ke zuen din kurang.

1 Timoteo 5:5

Ne sikan is balu he vahi he wazè din egkeserig̵an te keuyag̵an din, iyan din dà egkeserig̵an is Megbevayà, ne maandew wey mezukilem ed-ampù wey ebuyù te tavang diyà te Megbevayà.

Santiago 1:1

Iyan a si Santiago is teg̵isurat kayi. Sulug̵uen a te Megbevayà wey te Nengazen tew he si Jesu Kristu. Kemusta kew is langun he menge g̵aked te Megbevayà he nekedsusuwey zini te tungkup te kelibutan.