Nengeulaula 26:4 - Manobo Western Bukidnon

⁴ Is langun he menge Hudiyu, netuenan dan ke hengkey is menge ulaula ku puun pa te zeisek e pa su ziyà a medekelà duma kandan diyà te inged ku wey ziyà daan te Hiruselim.

Nengeulaula 26:4 Кръстосани препратки

Nengeulaula 22:3

“Hudiyu e man; diyà a ianak te prubinsya he Silisya, diyà te inged he Tarsu asal kayi a medekelà te Hiruselim su mibpenurù a ni Gemelil. Impenurù kediey is kebpurungi kedtumana te kesug̵uan he nesunud te g̵in-epuan tew. Utew meheg̵et dutun is kedtumana ku te kunaan ku he ibpetuman kedì te Megbevayà su iring a keniyu g̵untaan.

Nengeulaula 24:14

Iyan, kenè ku igkeeled he egkeg̵iyen ku kenikew he ed-ezapen ku is Megbevayà he ed-ezapen daan dengan te menge kepuun dey. Iyan, heini is tuluuwen he edsunuzen ku, egkeg̵iyen kayi te menge etew he tarù. Ne edsunuzen ku zaan is langun he insurat duen te kesug̵uan he imbilinbilin dengan ni Moises wey is insurat dengan te ebpemeneuven te Megbevayà.

Gelasya 1:13

Nezineg niw is daan he menge ulaula ku zengan te kemulu ku pa kebenteyani te tuluuwen te menge zuma ku he Hudiyu. Is langun he menge tumutuu ki Jesus, mibpesipelahan ku su ebpeg̵esen ku pezem sikandan he meengkezi zan is kedtuu zan.

Pilipus 3:5

Su hein walu en he andew is ked-enaka kedì, ne midsirkunsidar a. Is menge g̵inikanan ku, ne kevuwazan sikandan ni Benjamin he anak te kepuun dey he si Israyil. Ne tudalis a he Hudiyu. Mibpurungan ku te edtuman is kesug̵uan he imbilinbilin ni Moises su Perisiyu a.

2 Timoteo 3:10

Ne sikew mulà, Timoteo, nepurung nu en metueni is langun he impenurù ku, is menge vetasan ku wey is egkesuatan ku he meulaula ku. Netuenan nu zaan is kedtuu ku te Megbevayà, is kebmepelevayen ku, is kebmahala ku te minsan hentei, wey is ked-antus ku te kemereg̵enan.