Nengeulaula 26:28 - Manobo Western Bukidnon

²⁸ Ne zutun midtavak si Egripa te, “Kela ke kunaan nu ke egkeg̵aanggaan a kenikew egkehimu he tumutuu ki Kristu!”

Nengeulaula 26:28 Кръстосани препратки

Mateo 10:18

Ebpeg̵esen kew zan he mekeetuvang te menge gubirnedur wey menge hadì tenged te kedtuu niw kedì wey niw ikewali is Meupiya he Tudtulanen diyà te kandan wey ziyà daan te menge etew he kenà menge Hudiyu.

Marcos 6:20

Ne si Hadì Hirudis, egkehandek sikandin ki Juan su netuenan din he metazeng he etew si Juan he ed-ulinan te Megbevayà. Umba wazè din itug̵ut he mehimetayi. Egkesuatan ni Hirudis te ebpemineg is kebpenurù ni Juan, iyan, ingkeliveg din haazà is penurù.

Nengeulaula 11:26

Ne hein neturedu zin, miduma zin diyà te Entiyukya. Ne seled te sengetuig, diyè dan is dezuwa med-amur te menge tumutuu ziyà te Entiyukya ne mezakel is mibpemenurù dan. Ne ziyà te Entiyukya, sikan is menge sumusundan, aney en gerari he menge Kristiyanus.

Nengeulaula 24:25

Ne zutun te kebpenurua ni Pablo te metazeng he ulaula, wey kebpurungi te ed-ul-ulahan wey is kebpeebuta te andew te kedsilut, nahandek si Felix ne ke sikandin te, “Ereg ki en dè pa. Ibpetawag ku sikew ke zuen ku timpu.”

Nengeulaula 26:27

Hadì Egripa, edtuuwan nu ve is nengetagnà dengan te ebpemeneuven? Netuenan ku he neketuu ka.”

Nengeulaula 26:29

Ne ke si Pablo te, “Sikew wey is langun he ebpemineg kedì guntaan kayi, id-ampù ku te Megbevayà he menaney se meg̵aan, himuwa kew zin he iring kedì, iyan, kenè kew mulà mepirisu!”

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.

1 Pedro 4:16

Iyan, ke iyan niw ibpekeantus te merasey is tenged te neketuu kew ki Kristu, kenè niw haazà ikeeled, kekenà, utew zekelà is kebpeselemati niw te Megbevayà su neg̵aked kew ni Kristu.