Nengeulaula 26:23 - Manobo Western Bukidnon

²³ su netuman en is netagnè dan he is mibpilì te Megbevayà he ibpahadì, kinahanglan he edresayen wey edhimetayan. Ne netagnè dan daan he iyan sikandin egkehuna he egkevanhew ne edtudtulan din is menge Hudiyu wey is kenà menge Hudiyu he egketeyawan is isip dan te tutuu he tuluuwen.”

Nengeulaula 26:23 Кръстосани препратки

Mateo 26:24

Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew zuen te etew he ed-akal kedì. Meupiya pa ziyà te kandin ke wazè en sikandin ianak.”

Mateo 27:53

ne mid-awè dan dutun te penlevengà. Ne zutun te kegkevanhew zaan ni Jesus, nemenrig̵urig̵u haazà is nengevanhew ziyà te inged he Hiruselim ne mezakel is nemekeahà kandan dutun te kebpenrig̵urig̵u zan.

Lucas 2:32

Iyan sikandin idtayew te isip te menge etew he kenà menge Hudiyu he wazà mesayud ke hentei ka is tutuu he Megbevayà. Pinaag̵i kandin edelig̵en key is nengepilì nu he etew he menge kevuwazan ni Israyil.” Iyan heini migkag̵i ni Simeon.

Lucas 24:26

Su kinahanglan he ebpekeag̵i pa te kemeresayan sikan is hadì he mibpilì te Megbevayà ne human ibeg̵ey kandin is kebayàbayà te minsan hengkey.”

Lucas 24:46

Ke sikandin te, “Ibpesavut duen te insurat he Lalag te Megbevayà he kinahanglan he siak is hadì he mibpilì te Megbevayà, ne edhimetayan a ne seled te tetelu he andew zutun ne ebenhawen a te Megbevayà.

Juan 10:18

Wazà a teg̵ela te minsan hentei he etew su ebpehimatey a te kediey he g̵ustu. Kediey zà he ketenged is kebpehimatey ku, ne kediey zà daan he ketenged is kebenhawa kediey su insug̵ù heini kediey te Amey ku he Megbevayà.”

Juan 11:25

Ne migkag̵i si Jesus te, “Iyan a sikan is ebpemanhew; iyan a kes ebeg̵ey te untung. Ke zuen etew he edtuu kedì, minsan ke ebpatey, uuyag gihapun is gimukud din.

Nengeulaula 13:34

Ne impenaad daan dengan te Megbevayà is kebenhawa zin ki Jesus wey is kenè din kebmehimuwa he meredak is lawa ni Jesus su ke sikandin te, ‘Kes menge tuvad he impenaad ku ki David, siguradu idtuvad ku keniyu.’

Nengeulaula 26:18

Ne is ibpesavut nu kandan, egkehimu he iyan igkeawà te kegkelakap dan te kedtuu wey zan daan meewai is merusirem ne medhalin dan diyà te merayag. Ne pinaag̵i kayi egkepeleg̵uyan dan is kebeyveyai kandan ni Setanas ne ebpekepesakup dan te Megbevayà. Ne egkepesaylu is menge salè dan tenged te kedtuu zan kedì ne egkehimu zan daan he menge tumutuu he pinilì te Megbevayà.’

Nengeulaula 26:8

Sikiyu is menge zuma ku he Hudiyu, maan is kenè kew ebpeketuu he ebenhawen keuzemà te Megbevayà is menge minatey?

Nengeulaula 3:18

Impesavut dengan te Megbevayà pinaag̵i te tagnà te ebpemeneuven din he edresayen te menge etew is mibpilì din he ibpahadì. Ne midhimu zin he metuman heini pinaag̵i te mid-ulaula niw.

Nengeulaula 3:24

Ne is menge zuma he ebpemeneuven dengan he ebpemenagnà,” ke si Pedro, “iring ki Samuel wey is nemekesunud kandin, netagnè dan daan is egkengeulaula g̵untaan.

1 Kurintu 15:3

Ne lavew kayi te langun he impesavut ku keniyu, haazà is impenurù daan kediey. Ne iyan is: si Kristu, mibpehimatey su wey kiw melibri te silut mehitenged te menge salè tew sumalà is impesavut dengan te insurat he Lalag te Megbevayà.

2 Kurintu 4:4

Kenè dan edtuu su mid-elangan is isip dan ni Setanas he iyan ed-ezapen te menge etew kayi te kelibutan. Tenged kayi kenà egketeyawan is isip dan te Meupiya he Tudtulanen mehitenged te utew kegkelavew ni Kristu. Pinaag̵i ki Kristu egkesayud ki ke hentei is Megbevayà su iyan sikandin dagwey te Megbevayà.

Kulusas 1:18

Wey tenged te iyan sikandin ebayàbayà te lawa zin, he ke và dà egkeg̵iya, is langun he menge tumutuu kandin, wey tenged daan te iyan sikandin ebeg̵ey te untung diyà te langun he menge tumutuu su iyan sikandin lavew te langun he egkengevanhew ne tenged kayi iyan sikandin lavew te minsan hengkey.

Hibriyuhanen 2:10

Is Megbevayà he nenlimbag te langun su wey mehimu is langun he igkezelig̵i kandin, ne utew hustu is kedtug̵uta zin he mekeantus si Jesus te merasey su pinaag̵i kayi impeehè din he wazà igkesawey ziyà te ki Jesus, ne egkehimu he mezakel kiw is edhimuwen din he menge anak te Megbevayà su wey kiw metulus iring te kedtulusa kandin. Nehimu si Jesus he ibayà wey kiw melibri te silut.