Nengeulaula 26:2 - Manobo Western Bukidnon

² “Hadì Egripa, utew ku ingkelipey is kebpekeetuvang ku kenikew g̵untaan wey ku ikepezineg is menge ketezengan ku tenged te langun he menge sumbung te menge Hudiyu mehitenged kedì.

Nengeulaula 26:2 Кръстосани препратки

Mateo 10:19

Ne emun ed-uwiten kew zan diyà te hukmanan, kenè niw ikeseeng ke hengkey is egkeg̵iyen niw wey ke hengkey is paag̵i te kegkag̵i niw, su wey niw en egketuenan ke ziyè kew en te etuvangan dan su zutun ibeg̵ey keniyu is hustu he egkeg̵iyen niw.

Lucas 12:11

Ne emun tenged te kedtuu niw kedì ed-uwiten kew te menge etew ziyà te menge simbahan dan su edhukuman kew zan ne emun ed-imbistigahan kew zaan diyà te etuvangan te menge hadì wey huwis, kenè kew meseeng ke hengkey is idtavak niw kandan wey ke hengkey is paag̵i niw zutun.

Lucas 21:12

Iyan, kayi te kenè pa heini egketuman ne edekepen kew te menge etew ne ebpesipelahan kew zan. Ibpeetuvang kew zan te menge punuan te menge simbahan te menge Hudiyu ne egkestiguwen kew zan. Ibpeetuvang kew zaan te menge hadì wey menge gubirnedur tenged te kedsundan niw kediey.

Nengeulaula 25:26

Ne wazà ketezengan he igkesurat ku mehitenged kandin he zait he idhendiyà te hadì tew. Umba ibpeetuvang ku en keniyu g̵untaan lavew en diyan te kenikew, Hadì Egripa, su wey zuen igkesurat ku ke egkeimbistiga nu sikandin.

Nengeulaula 26:1

Ne migkag̵i si Egripa ziyà te ki Pablo te, “Egkehimu en he ibpesavut nu kenami is menge ketezengan nu.” Ne si Pablo, imbayew zin is belad din he tuus te egkag̵i en ne ke sikandin te,

Nengeulaula 26:19

Na, Hadì Egripa, midtuman ku is impeehè kedì he ebpuun te langit.

Nengeulaula 26:26

Sikew, Hadì Egripa, kenà a egkelenew he egkag̵i kenikew su netuenan ku he netuenan nu he zaan is langun he egkeg̵iyen ku. Netuenan nu iyan su heini is nengeulaula, wazà mekeeles.

Nengeulaula 26:3

Iyan ingkelipey ku su g̵eina te nepurung nu mesavut is menge kegkesumpakì wey vetasan tew te menge Hudiyu. Umba edhengyuen ku kenikew he pemineg̵a nu is egkeg̵iyen ku.

Nengeulaula 26:7

Ne sikitew is tivuuk he kehudiyuwan he nevahin te sepulù wey zezuwa he tribu, edtuuwan tew he egketuman heini. Ne tenged kayi, te andew wey mezukilem ed-azap kiw te Megbevayà. Na, Mahal he Hadì, minsan te iyan heini midtuuwan ku zaan, migamit dan he insumbunga zan kedì.