Nengeulaula 25:8 - Manobo Western Bukidnon

⁸ Iyan, mibpengetezengan si Pablo he egkag̵i te, “Wazè e man mekesupak te kesug̵uan tew te menge Hudiyu, ne wazà a zaan mekesupak te simbahan tew wey lavew en is hadì tew he ziyà te inged he Ruma.”

Nengeulaula 25:8 Кръстосани препратки

Nengeulaula 23:1

Ne si Pablo, midtengtengan din haazà is nengetig̵um he menge ebmeg̵urangen ne ke sikandin te, “Menge suled, wazà buring te zengeg ku ziyà te etuvangan te Megbevayà taman en guntaan!”

Nengeulaula 24:12

Ne wazà a maahà te menge Hudiyu is ebpekidibati ziyà te simbahan he Valey te Megbevayà wey ziyà te menge simbahan te menge Hudiyu. Ne wazè e zan daan maahà is midhimu te menge kesamuk te menge etew ziyà te minsan hendei ziyà te inged.

Nengeulaula 24:14

Iyan, kenè ku igkeeled he egkeg̵iyen ku kenikew he ed-ezapen ku is Megbevayà he ed-ezapen daan dengan te menge kepuun dey. Iyan, heini is tuluuwen he edsunuzen ku, egkeg̵iyen kayi te menge etew he tarù. Ne edsunuzen ku zaan is langun he insurat duen te kesug̵uan he imbilinbilin dengan ni Moises wey is insurat dengan te ebpemeneuven te Megbevayà.

Nengeulaula 24:6

Ne kenà duen dà taman su edremerikan din pezem is simbahan dey he Valey te Megbevayà, umba midakep dey. Ne edsusiyen dey pezem dutun sikandin sumalà is impenurù kenami te kesug̵uan dey,

Nengeulaula 25:10

Ne midtavak si Pablo te, “Kayi a g̵untaan te hukmanan sumalà is belaud ni Cesar te hadì tew ziyà te Ruma ne iyan heini hustu he ed-imbistigahan kedì. Ne netuenan nu he wazà mezaat he mid-ulaula ku ziyà te menge Hudiyu.

Nengeulaula 28:17

Ne neketelu zutun te kebpekeuma zey mibpenenawag ni Pablo is menge egalen te menge Hudiyu he medtig̵um dan. Ne hein netig̵um dan en migkag̵i si Pablo ziyà te kandan te, “Menge suled, minsan te wazè ku pesipelahi is menge zuma tew he Hudiyu ziyà te Hiruselim ne wazà a zaan medsupak te menge vetasan he imbilinbilin kenitew te menge apù tew, mibpirisu e zan ne impalad e zan diyà te menge upisyal he Rumanu.

Nengeulaula 28:21

Ne migkeg̵iyan dan si Pablo te, “Wazà surat he nezawat dey he ebpuun diyà te prubinsya he Hudiya he ebpesavut mehitenged kenikew. Ne wazà daan nekeuma he zuma zey he ebpuun diyà te Hudiya he zuen din tudtul mehitenged te mid-ulaula nu he mezaat.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.