Nengeulaula 25:10 - Manobo Western Bukidnon

¹⁰ Ne midtavak si Pablo te, “Kayi a g̵untaan te hukmanan sumalà is belaud ni Cesar te hadì tew ziyà te Ruma ne iyan heini hustu he ed-imbistigahan kedì. Ne netuenan nu he wazà mezaat he mid-ulaula ku ziyà te menge Hudiyu.

Nengeulaula 25:10 Кръстосани препратки

Mateo 27:18

Su netuenan ni Pilatu he iyan hinungdan ke maan is insumbung si Jesus te menge punuan is kegkesina zan kandin.

Mateo 27:19

Ne te kemulu pa si Pilatu ebpimpinuu zutun te valey he ebpenhusayan, nekeuma is surat te esawa zin he egkag̵i te, “Kenè nu hileveti heeyan he etew su wazè din salà. Nerasey a utew g̵eina te mezukilem su mideetan a tenged kandin,” ke sikandin.

Nengeulaula 23:29

Ne zutun netuenan ku he wazè bes mezaat he ulaula zin he zait he igkepirisuwa wey igkepehimetayi kandin. Iyan dà insumbunga kandin is kedsupaka zin te menge vetasan dan dutun te kesug̵uan dan.

Nengeulaula 25:17

Ne hein midhendini zan te Sisarya wazà a medlanganlangan su hein nepawà dutun, nekepinuu a ziyà te hukmanan ne insug̵ù ku he ipeetuvang sikandin diyà te kedì.

Nengeulaula 25:25

Iyan, hein midsusi ku, wazè ku netuenan he mid-ulaula zin he zait he igkehimetayi kandin. Ne g̵eina te ebpetavang te hadì tew ziyà te Ruma, neisip ku he ibpeuwit ku sikandin diyà te hadì.

Nengeulaula 25:6

Ne subra zà te sengesimana is ked-ubpà ni Pistu zutun ne midlikù en diyà te Sisarya. Ne hein nepawà mibpinuu zutun te hukmanan ne insug̵ù din he ipeetuvang kandin si Pablo.

Nengeulaula 26:31

Ne zutun te kegenat dan mibpelelag̵è dan is egkag̵i te, “Wazà ulaula zin he zait he igkehimetayi kandin wey minsan igkepirisuwa kandin.”

Nengeulaula 28:18

Ne is menge Rumanu, mid-imbistige e zan ne ibpaawè e zan pezem su netuenan dan he wazà mid-ulaula ku he zait he igkehimetayi kediey.

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.