Nengeulaula 24:17 - Manobo Western Bukidnon

¹⁷ Umba midhendiyà a te Hiruselim su nepipire en he tuig is wazà a mekehendiyà. Midhendiyà a su wey ku ikehated is selapì he idtavang diyà te menge zuma ku he Hudiyu wey a zaan mekepemuhat diyà te Megbevayà.

Nengeulaula 24:17 Кръстосани препратки

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

Nengeulaula 21:26

Ne hein nepawà dutun miduma ni Pablo haazà is menge maama ne midtampu sikandin dutun te kedtumana zan te vetasan te kebpenlumpiyu. Ne midseled si Pablo ziyà te Valey te Megbevayà wey zin ikepesavut ke pira pa he andew ne human egketapus is kegkelumpiyuwi kandan su emun egketapus haazà ne zuen pemuhat te kada sevaha kandan.

Nengeulaula 24:26

Egkesuatan pezem ni Felix he mebeg̵ey si Pablo te selapì diyà te kandin, umba layun din ibpetawag wey zin melelag̵i.

Ruma 15:31

Iampù niw he kenà a mekeizi te menge etew he kenà tumutuu ziyà te inged he Hiruselim. Iampù niw zaan he ikelipey te menge tumutuu ziyà te Hiruselim heini is selapì he idhated ku kandan.

2 Kurintu 8:6

Ne g̵eina te iyan si Tito nemuunà te vaal ziyan te keniyu te kebpenguwaa te idtavang niw ziyà te menge tumutuu he tigHudiya, midsembag̵an dey sikandin he ipelaus din en su wey kew zin metevangi te kedhimesaza kayi te ulaula mehitenged te g̵ag̵ew niw.

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

2 Kurintu 9:12

Ne heini is ibeg̵ey niw, kenà iyan dà pulus din is kegketavangi te menge tumutuu te Megbevayà, kekenà, pinaag̵i kayi utew mezakel he etew is ebpeselamat te Megbevayà.

Gelasya 2:10

Iyan dan dà intelaan kenami is kedtevangi zey te menge tumutuu he egkengeayuayu ziyà te Hiruselim, iyan, daan ku en heini midheg̵et dini te g̵ehinawa ku.