Nengeulaula 23:7 - Manobo Western Bukidnon

⁷ Ne zutun te nekag̵i zin haazà, ne is menge Sedusiyu wey Perisiyu, nekedsumpakì dan ne nevahinbahin is langun te sikandan.

Nengeulaula 23:7 Кръстосани препратки

Mateo 10:34

Kenè niw isipa he midhendini a te kelibutan su wey wazè en kesamuk te menusiyà. Wazà a medhendini wey zuen kelinew su tenged te kedhendini ku ebpekunkuntedahà is menusiyà.

Nengeulaula 14:4

Ne nengevahinbahin is menge etew zutun te Ikunya. Is duma, edlevanan dan haazà is dezuwa he epustul, ne is duma, ne ziyè dan te menge Hudiyu.

Nengeulaula 23:6

Ne naahà ni Pablo he menge Sedusiyu is duma zutun te nengetig̵um he menge ebmeg̵urangen, ne is duma, ne menge Perisiyu. Ne tenged dutun, mibpekezag̵ing is egkag̵i te, “Menge suled, Perisiyu a ne Perisiyu zaan is ginikanan ku. Iyan ketezengan ke maan is mid-uwit e zan dini te keniyu g̵untaan is: edtuu a he keuzemà ebenhawen te Megbevayà is menge minatey.”

Nengeulaula 23:8

Umba nekedsumpakì dan su is menge Sedusiyu, ibpenurù dan he kenà egkevanhew is menge minatey. Egkeg̵iyen dan he wazà menge mulin-ulin ne wazà daan menge velinsug̵uen he ebpuun diyà te langit. Ne is menge Perisiyu, edtuu zan mulà he zuen kegkevanhew wey menge mulin-ulin wey velinsug̵uen te Megbevayà.