Nengeulaula 23:35 - Manobo Western Bukidnon

³⁵ migkag̵i haazà is gubirnedur te, “Wey ku en edsusiya is insumbunga kenikew ke ebpemekeuma is midsumbung.” Ne zutun, impeventayan din te sundaru si Pablo ne ziyè din isavuk te turug̵an ni Hadì Hirudis.

Nengeulaula 23:35 Кръстосани препратки

Mateo 2:1

Diyà si Jesus ianak te inged he Bitlihim, te prubinsya he Hudiya zutun te timpu te kedhadì te aney en he hadì he egngezanan ki Hirudis. Ne zutun te vatè pa utew si Jesus, nekeuma ziyà te Hiruselim is menge memimituen. Diyà sikandan ebpuun te meziyù he inged diyà te edsilaan.

Mateo 2:16

Ne hein netuenan ni Hirudis he mid-akal zà kandin kes menge memimituen, nepauk utew. Ne insug̵ù din he ibpepenhimetayan is langun he menge vatà he maama he ebpenuig̵en te zezuwa he tuig wey minus pa zutun te tivuuk he inged te Bitlihim wey is menge siringan dutun he inged. Midhimu zin heini su wey mepatey si Jesus su zezuwa en he tuig is kelug̵ayad puun te kegkeahaa te menge memimituen duen te vituen.

Mateo 2:3

Ne hein nezineg heini ni Hadì Hirudis nesemukan is gehinawa zin wey is tivuuk he tigHiruselim.

Mateo 27:27

Ne zutun impeseled si Jesus te menge sundaru zutun te turug̵an te gubirnedur. Ne netig̵um diyà te kandin is tivuuk he kumpeniya te menge sundaru.

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Nengeulaula 23:30

Ne hein netuenan ku he ed-eyanan sikandin te menge Hudiyu, neisip ku he ibpeuwit diyan. Ne migkeg̵iyan ku is menge midsumbung kandin he ziyan dan ebpekeetuvang te kenikew.”

Nengeulaula 24:1

Ne nekelima zutun, is lavew he memumuhat, midhendiyà te Sisarya he edumahan te zuma he menge ebmeg̵urangen wey is sevaha he ebugadu he egngezanan ki Tertulu. Mid-etuvang dan ki Gubirnedur Felix ne midtudtul zan is insumbunga zan ki Pablo.

Nengeulaula 24:10

Ne mid-uyawan dutun te gubirnedur si Pablo he iyan tuus te ibpekag̵i sikandin. Ne migkag̵i si Pablo ziyà te kandin te, “Netuenan ku he neug̵et ke en he edumala kayi te prubinsya tew, umba kenà a egkelenew he ebpezayag te ketezengan ku kayi te etuvangan nu.

Nengeulaula 24:19

Iyan, duen menge Hudiyu he tig-Asya he zutun daan; deyzey ke iyan sikandan med-etuvang kenikew emun duen igkesumbunga zan kediey.

Nengeulaula 24:22

Ne zutun midsirahan dè pa ni Felix haazà is husayen su nesayud sikandin he zaan ke hengkey is tuluuwen he midtuuwan te menge tumutuu ki Jesus. Ke sikandin te, “Wey ku en ibeg̵ey is kedì he hukum ke ebpekeuma si Kepitan Lisyas.”

Nengeulaula 24:23

Ne migkeg̵iyan din sikan is serhintu he kenè din engkezi te ebantey si Pablo asal kinahanglan daan he elimahi zin sikandin ne egkehimu he ebpenumbelayan si Pablo te menge emig̵u zin ne egkehimu zaan he edtevangan dan sikandin.

Nengeulaula 25:16

Ne migkag̵i ku kandan he sikami is menge Rumanu, kenè dey igkepalad is etew he insumbung ke wazè pa sikandin mekeetuvang te menge midsumbung kandin su wey sikandin mekepengetezengan.