Nengeulaula 23:24 - Manobo Western Bukidnon

²⁴ Kuwa kew te menge kudà he ebpeuntuzan ki Pablo. Ne purungi niw ventayi sikandin para wazà mehitavù kandin taman te ebpekeuma kew ziyà te ki Gubirnedur Felix.”

Nengeulaula 23:24 Кръстосани препратки

Mateo 27:2

Mibakus dan si Jesus te kedina ne inhated dan sikandin diyà te ki Pilatu he iyan gubirnedur zutun.

Lucas 10:34

Ne mid-uvayan din ne mibewian din te lana wey vinu is menge palì dutun ne mibukusan din te manggad. Ne zutun mibitbit din ne in-untud din te kudè din ne mid-uwit din diyà te valey he hulevungà te menge etew ne zutun mibpurungan din elimahi.

Lucas 3:1

Ne zutun te ikesepulù wey lelima he tuig te kedhadì ni Hadì Tibiryu ziyà te inged he Ruma duen impesavut te Megbevayà diyà te ki Juan he anak ni Zacarias. Ne ziyà si Juan te tanà he wazà duen ed-ubpà he menge etew. Ne zutun he timpu iyan gubirnedur ziyà te prubinsya he Hudiya si Punsyu Pilatu. Ne ziyà te prubinsya he Geliliya iyan gubirnedur si Hirudis. Ne si Felipe, is hazi ni Hirudis, iyan gubirnedur ziyà te menge prubinsya he Iturya wey Terekuniti. Ne si Lisanyas, iyan gubirnedur diyà te prubinsya he Ebilinya. Ne si Anas wey si Keyipas, ne iyan menge lavew he memumuhat diyà te inged he Hiruselim.

Nengeulaula 23:25

Ne mibeelan dutun te kepitan is surat he ibpeuwit din diyà te gubirnedur.

Nengeulaula 23:26

Ke sikandin te, “Surat heini ni Claudio Lisyas diyà te ki Gubirnedur Felix. Kumusta ka.

Nengeulaula 23:33

Ne midlaus dan diyà te Sisarya ne imbeg̵ey zan sikan is surat diyà te gubirnedur ne impalad dan kandin si Pablo.

Nengeulaula 24:1

Ne nekelima zutun, is lavew he memumuhat, midhendiyà te Sisarya he edumahan te zuma he menge ebmeg̵urangen wey is sevaha he ebugadu he egngezanan ki Tertulu. Mid-etuvang dan ki Gubirnedur Felix ne midtudtul zan is insumbunga zan ki Pablo.

Nengeulaula 24:10

Ne mid-uyawan dutun te gubirnedur si Pablo he iyan tuus te ibpekag̵i sikandin. Ne migkag̵i si Pablo ziyà te kandin te, “Netuenan ku he neug̵et ke en he edumala kayi te prubinsya tew, umba kenà a egkelenew he ebpezayag te ketezengan ku kayi te etuvangan nu.

Nengeulaula 24:3

Ne utew zey igkelipey heini is langun ne zekelà layun is kebpeselemati zey kenikew.

Nengeulaula 25:14

Ne nekepira pa zutun impesavut ni Pistu ki Egripa is kasu mehitenged ki Pablo, ke sikandin te, “Duen pirisu kayi he wazà libriya ni Felix.