Nengeulaula 23:23 - Manobo Western Bukidnon

²³ Ne haazà is kepitan, mid-umew zin is dezuwa he sinerig̵an din ne ke sikandin te, “Ipaandam niw is dezuwa he g̵atus he sundaru su edsug̵uen ku sikiyu ziyà te inged he Sisarya. Ipezuma zaan is kepituwan pa he egkukudà wey is dezuwa pa he g̵atus he ebevangkew. Kinahanglan he ipaandam niw sikandan taman te alas nuwibi kan te mezukilem su iyan kegenat niw.

Nengeulaula 23:23 Кръстосани препратки

Mateo 14:25

Ne hein meg̵aan egkepawà, midhendiyà si Jesus te kandan he ziyà sikandin ebpenggiekgiek te zivavew zutun te wahig.

Lucas 12:38

Utew egkengelipey sikandan ke ebpekeuma is egalen dan he kemulu zan pa sikandin edteg̵azi minsan ke liwazè en is kezukileman wey minsan ke egkepkepawè en be.”

Nengeulaula 23:22

Ne zutun migkag̵i haazà is kepitan te, “Kenè nu, Mama, tudtula ziyà te minsan hentei he midtudtulan a kenikew.” Ne zutun impeulì din is kenakan.

Nengeulaula 23:31

Ne zutun te nepasad te kepitan haazà is surat din, midtuman te menge sundaru is insug̵ù din kandan su migkuwa zan si Pablo ne migenat dan. Ne te iyan haazà he kezukileman nekeuma zan diyà te inged he Entipatris.

Nengeulaula 23:32

Ne zutun te mid-ilis he andew midlikù haazà is ebpemenhipanew he menge sundaru ne iyan dà duma ni Pablo is menge sundaru he ebpemen-untud te kudà.

Nengeulaula 23:33

Ne midlaus dan diyà te Sisarya ne imbeg̵ey zan sikan is surat diyà te gubirnedur ne impalad dan kandin si Pablo.

Nengeulaula 24:7

iyan, mibeyaan key te kepitan he si Lisyas ne mibpemug̵el key zin ne mid-ag̵ew zin heini is etew zini te kenami.

Nengeulaula 8:40

Ne si Felipe, diyè en maahà te inged he Asdud ne midlaus medhipanew is ebpenudtul te Meupiya he Tudtulanen diyà te langun he menge inged he ibayè din taman te nekeuma sikandin diyà te Sisarya.