Nengeulaula 23:21 - Manobo Western Bukidnon

²¹ Iyan, kenè nu itug̵ut su zuen menge kepatan he etew he ed-eles su ed-ayan kandin. Meheg̵et is uyun dan he kenè dan egkaan wey ed-inum taman te kenè dan pa egkepatey si Pablo. Mid-andam dan en ne iyan dà edteg̵azan dan is sug̵ù nu.”

Nengeulaula 23:21 Кръстосани препратки

Lucas 11:54

su ebpengahaan dan is paag̵i wey mehimu si Jesus he igkesumbung dan.

Nengeulaula 20:19

Midtuman ku is ebpeveelan kedì te Megbevayà ne wazà a mebpelavew. Mibpenig̵is is menge luhè ku tenged te mahal kew zini te g̵ehinawa ku. Mezakel is kemereg̵enan wey kemeresayan he neulaula ku tenged te menge pesipala he mibeelan kediey te menge iring ku he Hudiyu.

Nengeulaula 23:22

Ne zutun migkag̵i haazà is kepitan te, “Kenè nu, Mama, tudtula ziyà te minsan hentei he midtudtulan a kenikew.” Ne zutun impeulì din is kenakan.

Nengeulaula 25:3

he emun meupiya zà te g̵ehinawa zin kandan ne ipeuwit din si Pablo ziyà te Hiruselim. Umba midhangyù dan te iring kayi su wey zan meeyani si Pablo ziyà te ibayè din wey zan mehimetayi.

Ruma 9:3

Ne ke egkehimu, egkesuatan ku pezem he iyan a edsilutan he ilis kandan ne ewaa is kebpekidsevaha ku ki Kristu su wey iyan sikandan melibri te silut.

2 Kurintu 11:26

Ne zutun te menge kedhipanew ku ne nengeeg̵iyan ku is mezakel he menge kemereg̵enan tenged te kedalem te wahig, wey tenged te menge tulisan, wey tenged te menge kuntada ku he menge zuma ku he Hudiyu wey menge kenà Hudiyu. Mezakel is menge hitavù kediey ziyà te menge inged wey ziyà te wazà meg̵inged wey ziyà te zag̵at wey pinaag̵i te menge tarù he tumutuu.