Nengeulaula 23:20 - Manobo Western Bukidnon

²⁰ Ne midtavak haazà is kenakan te, “Is menge Hudiyu, mid-uyun dan he keeselem, edhengyuan ke zan he uwita nu si Pablo ziyà te ketig̵uman te ebmeg̵urangen su ebpurungan dan kun ed-imbistigaha te mid-ulaula zin.

Nengeulaula 23:20 Кръстосани препратки

Nengeulaula 22:30

Ne hein nepawà impaawà dutun te kepitan si Pablo. Egkesuatan din he metueni zin ke hengkey is insumbunga ki Pablo te menge Hudiyu, umba midtig̵um din is menge punuan he memumuhat wey is langun he menge ebmeg̵urangen. Ne migkuwa zin si Pablo ne impeetuvang din.

Nengeulaula 23:1

Ne si Pablo, midtengtengan din haazà is nengetig̵um he menge ebmeg̵urangen ne ke sikandin te, “Menge suled, wazà buring te zengeg ku ziyà te etuvangan te Megbevayà taman en guntaan!”

Nengeulaula 23:19

Ne zutun, is kepitan, mid-ag̵ak din haazà is kenakan dutun te uvey zà ne hein iyan dan dà, mid-insà te, “Hengkey, Mama, is egkeg̵iyen nu kedì?”

Nengeulaula 23:30

Ne hein netuenan ku he ed-eyanan sikandin te menge Hudiyu, neisip ku he ibpeuwit diyan. Ne migkeg̵iyan ku is menge midsumbung kandin he ziyan dan ebpekeetuvang te kenikew.”

Nengeulaula 23:6

Ne naahà ni Pablo he menge Sedusiyu is duma zutun te nengetig̵um he menge ebmeg̵urangen, ne is duma, ne menge Perisiyu. Ne tenged dutun, mibpekezag̵ing is egkag̵i te, “Menge suled, Perisiyu a ne Perisiyu zaan is ginikanan ku. Iyan ketezengan ke maan is mid-uwit e zan dini te keniyu g̵untaan is: edtuu a he keuzemà ebenhawen te Megbevayà is menge minatey.”