Nengeulaula 23:17 - Manobo Western Bukidnon

¹⁷ Ne si Pablo, mid-umew zin is sundaru ne ke sikandin te, “Dumaha nu heini is kenakan diyà te kepitan su zuen egkeg̵iyen din kandin.”

Nengeulaula 23:17 Кръстосани препратки

Mateo 10:16

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Juan 18:12

Ne zutun, haazà is menge sundaru wey is kepitan dan wey elin daan is menge pulis te menge Hudiyu, midakep dan si Jesus ne mibakus dan.

Nengeulaula 22:26

Ne hein nezineg haazà dutun te serhintu, mibeyaan din is kepitan, ke sikandin te, “Maan is ibpevug̵el nu kenami is etew he sakup te Ruma?”

Nengeulaula 23:16

Is anak te etevey ni Pablo, nekezineg dutun te ed-ul-ulahan dan ne midhendiyà te kutà ne midtudtulan din si Pablo.

Nengeulaula 23:18

Ne haazà is sundaru, miduma zin haazà is kenakan diyà te kepitan ne ke sikandin te, “Kes pirisu he si Pablo, mid-umew e zin ne migkag̵i zin kedì he ibpezuma zin kedì heini is kenakan dini te kenikew su zuen egkeg̵iyen din kenikew.”

Nengeulaula 23:23

Ne haazà is kepitan, mid-umew zin is dezuwa he sinerig̵an din ne ke sikandin te, “Ipaandam niw is dezuwa he g̵atus he sundaru su edsug̵uen ku sikiyu ziyà te inged he Sisarya. Ipezuma zaan is kepituwan pa he egkukudà wey is dezuwa pa he g̵atus he ebevangkew. Kinahanglan he ipaandam niw sikandan taman te alas nuwibi kan te mezukilem su iyan kegenat niw.