Nengeulaula 23:10 - Manobo Western Bukidnon

¹⁰ Ne mid-iseg dutun is kegkesumpakì dan ne tenged dutun insug̵ù te kepitan diyà te menge sundaru zin he eg̵awa zan si Pablo zutun te menge etew wey iulì diyà te kutà. Su nahandek sikandin su kela ke pitaspitasa zan si Pablo.

Nengeulaula 23:10 Кръстосани препратки

Nengeulaula 21:37

Ne zutun te edseled dan en te kutà, migkag̵i si Pablo ziyà te kepitan ke sikandin te, “Egkehimu ve ke zuen lalag ku kenikew?” Ne migkag̵i haazà is kepitan te, “Metau ke ves te kineg̵iyan he Gerisyahanen?

Nengeulaula 22:24

Ne haazà is kepitan te menge sundaru he Rumanu, wazè din mesavut ke hengkey is egkeg̵iyen dan ne zutun insug̵ù din te menge sundaru he uwita zan si Pablo zutun te kutà ne vug̵ela zan su wey zin iketug-an ke hengkey is ingkepeuki kandin te menge Hudiyu su maan is ebpememensag dan te iring dutun.

Nengeulaula 23:16

Is anak te etevey ni Pablo, nekezineg dutun te ed-ul-ulahan dan ne midhendiyà te kutà ne midtudtulan din si Pablo.

Nengeulaula 23:27

Heini is etew he ibpeuwit ku ziyan, midakep te menge Hudiyu ne edhimetayan dan pezem. Iyan, nezineg ku he sakup sikandin te inged tew he Ruma, umba miduma ku is menge sundaru ne mibeyaan ku ne miduma ku para kenà mehimetayi.

Nengeulaula 23:28

Geina te edsusiyen ku ke hengkey is insumbunga zan kandin, mid-uwit ku sikandin diyà te ketig̵uman te menge ebmeg̵urangen dan.

Nengeulaula 23:32

Ne zutun te mid-ilis he andew midlikù haazà is ebpemenhipanew he menge sundaru ne iyan dà duma ni Pablo is menge sundaru he ebpemen-untud te kudà.

Nengeulaula 24:7

iyan, mibeyaan key te kepitan he si Lisyas ne mibpemug̵el key zin ne mid-ag̵ew zin heini is etew zini te kenami.

2 Kurintu 11:26

Ne zutun te menge kedhipanew ku ne nengeeg̵iyan ku is mezakel he menge kemereg̵enan tenged te kedalem te wahig, wey tenged te menge tulisan, wey tenged te menge kuntada ku he menge zuma ku he Hudiyu wey menge kenà Hudiyu. Mezakel is menge hitavù kediey ziyà te menge inged wey ziyà te wazà meg̵inged wey ziyà te zag̵at wey pinaag̵i te menge tarù he tumutuu.

Santiago 1:19

Kenè niw lipati, menge minahal ku he suled, he is minsan hentei kenitew, kinahanglan he layun andam he ebpemineg te Lalag te Megbevayà ne kenè ta ipetuwas is kenita zà he lalag ne kenè ki zaan melemu he egkepauk.

Santiago 3:14

Iyan, emun egkesina sikandin wey mepelevawen, kinahanglan he kenè din izantal is ketau zin wey is meupiya he ulaula zin su tarù is ketau he iring dutun ne ebpekesupak te tutuu he tuluuwen.