Nengeulaula 22:14 - Manobo Western Bukidnon

¹⁴ Ne ke sikandin te, ‘Is Megbevayà te menge apù tew, mibpilì ke zin su wey nu maahà is sulug̵uen din he metazeng wey nu zaan mezineg is egkeg̵iyen kayi kenikew wey nu zaan metueni is egkesuatan din.

Nengeulaula 22:14 Кръстосани препратки

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Nengeulaula 13:17

Is Megbevayè tew te menge Hudiyu, nepilì din dengan is menge kepuun tew. Ne midtuvazan din sikandan te meupiya. Ne tenged dutun utew mibmezakel is kevuwazan dan te kemulu zan pa ed-ubpà diyà te tanà he Ihiptu he kenà kandan he inged. Ne is Megbevayà, pinaag̵i te zekelà he g̵ehem din, midtevangan din is menge kepuun tew wey zan mekeawà diyà te Ihiptu.

Nengeulaula 22:15

Su ibpesangyew zin kenikew is tudtul te keag̵i zin ne ibpesavut nu ziyà te langun he menge etew is impezineg din wey impeehè din kenikew.

Nengeulaula 22:18

Neehè ku is Nengazen he si Jesus ne ke sikandin te, ‘Gaanggaan ka genat ne awè ka kayi te Hiruselim su is menge etew kayi, kenè dan edewaten is ibpesavut nu kandan mehitenged kediey.’

Nengeulaula 24:14

Iyan, kenè ku igkeeled he egkeg̵iyen ku kenikew he ed-ezapen ku is Megbevayà he ed-ezapen daan dengan te menge kepuun dey. Iyan, heini is tuluuwen he edsunuzen ku, egkeg̵iyen kayi te menge etew he tarù. Ne edsunuzen ku zaan is langun he insurat duen te kesug̵uan he imbilinbilin dengan ni Moises wey is insurat dengan te ebpemeneuven te Megbevayà.

Nengeulaula 26:16

Enew ka. Mibpaahà a kenikew wey ku sikew mehimu he sulug̵uen ku. Tudtula nu ziyà te zuma he menge etew is kebpeehè ku kenikew g̵untaan wey tudtula nu zaan is ibpeehè ku zaan kenikew keuzemà.

Nengeulaula 5:30

Mibunù niw si Jesus su inransang niw te krus, iyan, is Megbevayà he edsimbahan te menge kepuun tew, mibanhew zin si Jesus.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

Nengeulaula 9:15

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

Nengeulaula 9:17

Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.”

Ruma 1:1

Iyan a si Pablo is teg̵isurat kayi. Uripen a ni Jesu Kristu ne midhimu e zin daan he epustul. Impenaad dengan te Megbevayà pinaag̵i te impesurat din te menge ebpeneuven din he zuen timpu he zuen Meupiya he Tudtulanen he ibpesavut kenitew. Umba mibpilì a he epustul su wey a mekepenudtul kayi te Meupiya he Tudtulanen.

1 Kurintu 11:23

Umba egkeg̵iyen ku heini su is impenurù kediey te Nengazen, ne iyan daan impenurù ku diyan te keniyu. Iyan is: dutun te kezukileman te ked-ekali te Nengazen tew he si Jesus, hein edlavung dan, ne migkuwa ni Jesus is supas,

1 Kurintu 15:3

Ne lavew kayi te langun he impesavut ku keniyu, haazà is impenurù daan kediey. Ne iyan is: si Kristu, mibpehimatey su wey kiw melibri te silut mehitenged te menge salè tew sumalà is impesavut dengan te insurat he Lalag te Megbevayà.

1 Kurintu 15:8

Ne siak daan, iyan a ketepusan en he mibpaahaan din. Ne zutun te kebpeketuu ku iring a te vatà he neteg̵el is ked-enaka kandin su minsan te kenà a pezem edtuu zutun, neketuu a g̵ihapun.

1 Kurintu 9:1

Intug̵ut kedì he iyan a ebayàbayà te ebeelan ku su zuen ku keg̵ehem te kegkeepustul. Iyan inggerari kedì he epustul su mibpaahà kedì dengan si Jesus is Nengazen tew. Ne kenà dutun dà taman su pinaag̵i kedì nemeketuu kew te Nengazen.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Gelasya 1:12

su wazà keg̵iya kediey te minsan hentei he etew ne wazà daan ipenurù kediey te etew, kekenà, impinted kediey ni Jesu Kristu.

Gelasya 1:15

Ne minsan pa zutun, ingkeg̵ag̵ew a te Megbevayà ne mibpilì e zin he sulug̵uen din te wazè e pa ianak ne nehimu zin he meketuu a kandin.

2 Timoteo 1:1

Sikew, Timoteo he iring te anak ku su utew ku minahal, ebpesuratan ku sikew. Iyan a si Pablo he epustul ni Jesu Kristu, he ke và dà egkeg̵iya, sulug̵uen e zin. Midsug̵ù a te Megbevayà wey ku ipenudtul is untung he wazà pidtemanan. Iyan heini sikan is impenaad din he untung he nekuwa te en pinaag̵i te kebpekidsevaha ta ki Jesu Kristu. Berakat he ikeg̵ag̵ew ka wey kehizuwi ka te Amey tew he Megbevayà wey te Nengazen tew he si Jesu Kristu wey veg̵ayi ke zan te melinawen he kebpekesavuk.

Tito 1:1

Sikew, Tito, ebpesuratan ku sikew. Iring ka te tutuu he anak ku su is kedtuu nu te Nengazen, ne iring daan te kedì he kedtuu kandin. Berakat he ikeg̵ag̵ew ka te Megbevayà wey te Menluluwas tew he si Jesu Kristu wey veg̵ayi ke zan te melinawen he kebpekesavuk. Iyan a si Pablo is sulug̵uen te Megbevayà wey is epustul, he ke và dà egkeg̵iya, sug̵ù ni Jesu Kristu. Iyan insug̵ua zin kedì su wey ku meheg̵et is kedtuu te menge etew he pinilì te Megbevayà, ne wey ku zaan meheg̵et is kedsavut dan te tutuu he tuluuwen he iyan edtuuwan ta. Elin daan insug̵ua zin kedì is wey zan mesavut he ebpekeperateng dan te untung he wazà pidtemanan. Dengan te wazè pa limbag̵a is minsan hengkey, migkag̵i te Megbevayà he ibeg̵ey zin kenitew heini is untung ne netuenan ta he kenà egkehimu he kenè din edtumanen is egkeg̵iyen din. Ne g̵untaan iyan en timpu te kebpetueni zin kayi te untung pinaag̵i te Meupiya he Tudtulanen. Ne heini he tudtulanen, insarig kediey te Megbevayà he menluluwas tew.

1 Pedro 2:22

Wazà minsan hengkey he salà he neveelan ni Kristu. Wazà minsan hengkey he tarù he migkag̵i zin.

1 Juan 2:1

Sikiyu is iring te menge anak ku, iyan ibpesurati ku keniyu is: wey meheg̵eti is kedtuu niw wey kew kenà mekesalà. Iyan, ke zuen ebpekesalà he minsan hentei kenitew, duen datù tew he edtavang kenitew ziyà te etuvangan te Amey tew he Megbevayà. Iyan datù tew si Jesu Kristu he utew metazeng.