Nengeulaula 22:12 - Manobo Western Bukidnon

¹² Ne zuen dutun etew he egngezanan ki Eneniyas; metinumanen sikandin te kesug̵uan tew, wey telehuzen te langun he menge Hudiyu he tigDemasku.

Nengeulaula 22:12 Кръстосани препратки

Lucas 2:25

Ne zuen dutun maama he ed-ubpà diyà te Hiruselim he egngezanan ki Simeon. Metazeng haazà he etew he layun edsimba te Megbevayà. Kenà egkeawà diyà te g̵ehinawa zin is kebperetenga zin te kegketuman te midtagnà dengan he zuen timpu he edlibriyen te Megbevayà is nengepilì din he menge etew he menge kevuwazan ni Israyil. Layun ed-ulinan si Simeon te Wag̵as he Mulin-ulin.

Nengeulaula 10:22

Ne migkag̵i zan te, “Impehendini key ni Kepitan Cornelio. Metazeng sikandin he etew. Ed-azap sikandin te Megbevayà, ne telehuzen daan sikandin te langun he menge Hudiyu. Migkeg̵iyan sikandin te velinsug̵uen te Megbevayà te, ‘Ipaangey nu si Simon Pedro wey nu mezineg is ibpesavut din,’ ” ke sikandan.

Nengeulaula 17:4

Ne zutun neketuu is duma he menge Hudiyu ne midsunud ki Pablo wey ki Silas. Mezakel zaan is nemeketuu he menge Gerisyahanen he zaan he edsimba te Megbevayà, wey elin daan nemeketuu is mezakel te menge vai zutun te inged.

Nengeulaula 6:3

Umba, menge suled,” ke sikandan, “meupiya ke ebpilì kew te pitu he menge zuma niw he telehuzen. Kinahanglan he iyan ebpilien is menge maama he memetau he netuenan niw he nepurung sikandan ulini te Wag̵as he Mulin-ulin. Ne ibeg̵ey zey ziyà te kandan is keg̵ehem te kebahinbahin.

2 Kurintu 6:8

Duen edtahud kenami ne zuen daan menge etew he kenè key zan edtehuzen. Duen edalig kenami ne zuen daan ed-ituk kenami. Duen egkag̵i he teruen key, iyan, kenà tarù is egkeg̵iyen dey.

1 Timoteo 3:7

Kinahanglan he meupiya layun is menge ulaula zin su wey mehimu he telehuzen sikandin te menge etew he kenà tumutuu ki Kristu, su emun kenà, kela ke ituka zan ne egkeseleizan sikandin ni Setanas.

Hibriyuhanen 11:2

Is menge tipehuna he etew, nezelig̵an sikandan te Megbevayà tenged te midtuuwan dan sikandin.

3 Juan 1:12

Nezelig̵an si Dimitriyu te langun he menge etew. Egkeehè dan pinaag̵i te menge ulaula zin he edtumanen din is tutuu he tuluuwen. Edelig̵en dey zaan sikandin ne netuenan nu he tutuu is egkeg̵iyen dey.