Nengeulaula 21:6 - Manobo Western Bukidnon

⁶ Ne zutun mibpepempemezeey key ne mid-untud key en maan te barku ne sikandan mulà, midlikù dan diyà te inged.

Nengeulaula 21:6 Кръстосани препратки

Lucas 15:20

Ne iyan dà haazà neisip din ne zutun midtandang sikandin med-ulì. Ne meziyù pa sikandin ne nepantew en dutun te amey zin. Ne utew nehizu haazà is amey zin he ed-ahà kandin. Ne mibpelelag̵uy is amey zin he edsinug̵ung kandin ne migkepkepan ne midhezekan sikandin te amey zin.

Juan 1:11

Minsan te ziyà sikandin mekeuma te keugelingen din he menge inged, wazà utew zutun te menge zuma zin midawat kandin.

Juan 16:32

Egkesipeg̵an en is timpu he zutun ebpekedsusuwey kew is langun; ed-ulì is kada sevaha keniyu ziyà te ed-ubpaan din ne egkeewaan a. Ne minsan pa zutun duen ku pa zuma su iyan duma ku is Amey ku he Megbevayà.

Juan 19:27

Ne zutun migkeg̵iyan din sikan is sumusundan din te, “Iyan en heeyan iney nu.” Ne puun dà dutun he andew ziyè en med-ubpà is iney ni Jesus te valey zutun te sumusundan ni Jesus.

Juan 7:53

Ne zutun mibpemen-ulì is kada sevaha kandan,

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.