Nengeulaula 21:34 - Manobo Western Bukidnon

³⁴ Ne mibpememensag he edtavak is menge etew asal selakew is tavak te kada sevaha. Ne g̵eina te utew meg̵urub ne kenà egkekeleduwan dutun te kepitan ke hengkey is hustu he neulaula, ne tenged dutun insug̵ù din te menge sundaru he uwita zan si Pablo ziyà te kutà.

Nengeulaula 21:34 Кръстосани препратки

Nengeulaula 19:32

Ne is menge etew zutun te tig̵umanan, utew midekelà is kedsinamuk dan. Ebpeked-iilis-ilis dà is ebpememensag he kenà ebpeked-iiring is ibensag dan. Deisey zà he menge etew is netau zutun te hitavù he ingketig̵um dan.

Nengeulaula 21:37

Ne zutun te edseled dan en te kutà, migkag̵i si Pablo ziyà te kepitan ke sikandin te, “Egkehimu ve ke zuen lalag ku kenikew?” Ne migkag̵i haazà is kepitan te, “Metau ke ves te kineg̵iyan he Gerisyahanen?

Nengeulaula 22:24

Ne haazà is kepitan te menge sundaru he Rumanu, wazè din mesavut ke hengkey is egkeg̵iyen dan ne zutun insug̵ù din te menge sundaru he uwita zan si Pablo zutun te kutà ne vug̵ela zan su wey zin iketug-an ke hengkey is ingkepeuki kandin te menge Hudiyu su maan is ebpememensag dan te iring dutun.

Nengeulaula 22:30

Ne hein nepawà impaawà dutun te kepitan si Pablo. Egkesuatan din he metueni zin ke hengkey is insumbunga ki Pablo te menge Hudiyu, umba midtig̵um din is menge punuan he memumuhat wey is langun he menge ebmeg̵urangen. Ne migkuwa zin si Pablo ne impeetuvang din.

Nengeulaula 23:10

Ne mid-iseg dutun is kegkesumpakì dan ne tenged dutun insug̵ù te kepitan diyà te menge sundaru zin he eg̵awa zan si Pablo zutun te menge etew wey iulì diyà te kutà. Su nahandek sikandin su kela ke pitaspitasa zan si Pablo.

Nengeulaula 23:16

Is anak te etevey ni Pablo, nekezineg dutun te ed-ul-ulahan dan ne midhendiyà te kutà ne midtudtulan din si Pablo.

Nengeulaula 23:32

Ne zutun te mid-ilis he andew midlikù haazà is ebpemenhipanew he menge sundaru ne iyan dà duma ni Pablo is menge sundaru he ebpemen-untud te kudà.

Nengeulaula 25:26

Ne wazà ketezengan he igkesurat ku mehitenged kandin he zait he idhendiyà te hadì tew. Umba ibpeetuvang ku en keniyu g̵untaan lavew en diyan te kenikew, Hadì Egripa, su wey zuen igkesurat ku ke egkeimbistiga nu sikandin.