Nengeulaula 21:21 - Manobo Western Bukidnon

²¹ Nezineg dan is tudtul he is menge zuma tew he Hudiyu he ziyà te menge inged te kenà menge Hudiyu, impenurù nu kandan he engkezi zan is kedtumana zan te kesug̵uan he imbilinbilin dengan ni Moises. Impenurù nu kun kandan he kenè dan sirkunsidara is menge anak dan he maama ne kenè dan en sunuza is menge vetasan tew te menge Hudiyu.

Nengeulaula 21:21 Кръстосани препратки

Nengeulaula 16:3

Egkesuat si Pablo he edumahan din si Timoteo ne tenged dutun midsirkunsidar zin. Iyan insirkunsidara zin ki Timoteo su wey kenà meepesi si Timoteo te menge Hudiyu he ziyà te menge inged he ibayè dan, su is langun he menge Hudiyu zutun, netuenan dan he Gerisyahanen is amey ni Timoteo.

Nengeulaula 21:22

Siguradu egkezineg dan he nekeuma ke en. Hengkey is meupiya he edhimuwen?

Nengeulaula 21:28

Ne mibpememensag dan is egkag̵i te, “Sikiyu is menge zuma zey he Isreyilihanen, tevangi key! Iyan heini sikan is etew he in-eneb din is penurù din te minsan hendei he inged. Ne supak is impenurù din te tivuuk he kehudiyuwan wey supak daan te kesug̵uan tew wey kayi te simbahan tew. Ne g̵untaan impeseled din en kayi te simbahan tew is kenà menge Hudiyu ne neremerikan heini is simbahan he ebulusan te Megbevayà.”

Nengeulaula 28:17

Ne neketelu zutun te kebpekeuma zey mibpenenawag ni Pablo is menge egalen te menge Hudiyu he medtig̵um dan. Ne hein netig̵um dan en migkag̵i si Pablo ziyà te kandan te, “Menge suled, minsan te wazè ku pesipelahi is menge zuma tew he Hudiyu ziyà te Hiruselim ne wazà a zaan medsupak te menge vetasan he imbilinbilin kenitew te menge apù tew, mibpirisu e zan ne impalad e zan diyà te menge upisyal he Rumanu.

1 Tiselunika 2:16

ne iring te egkuntedahan dan is tivuuk he menusiyà, su edsemuken key zan wey zey kenà ikesangyew is Lalag te Megbevayà he igkelibri te silut te menge etew he kenà menge Hudiyu. Ne ebpeniguduwan dan te ebaal is taman te egkehimu zan he salà. Ne g̵untaan in-andam en is silut kandan te Megbevayà.