Nengeulaula 20:6 - Manobo Western Bukidnon

⁶ Mid-untud key te barku ziyà te inged he Pilipus hein neiwas is Pista te Kegkaan te Supas he Wazè Din Tapey. Ne nekelima zutun nesaut dey sikandan diyà te Truwas ne zutun key med-ubpà taman te sengesimana.

Nengeulaula 20:6 Кръстосани препратки

Nengeulaula 12:3

Ne hein netuenan ni Hirudis he utew ingkesuat te menge Hudiyu is kedhimetayi ki Santiago, impezakep din daan si Pedro. (Nehitavù heini hein Pista te Supas he Wazè Din Tapey.)

Nengeulaula 16:10

Ne zutun dà te neehè din en heini, nen-ehè key te paag̵i wey key mekelaus diyà te Mesidunya su nesavut dey he intuvad kenami is kedsengyawa te Meupiya he Tudtulanen diyà te menge tigMesidunya.

Nengeulaula 16:12

Ne midrenè key zutun ne mid-uzahik key ne nekeuma key ziyà te inged he Pilipus he ziyà te aney en he distritu te prubinsya he Mesidunya. Ne zutun te inged he Pilipus, ne mezakel is menge Rumanu he umuuliey. Ne nepipira key he andew zutun te inged he Pilipus.

Nengeulaula 16:8

Ne tenged dutun diyè dan mekevayà te Misya ne midtupang dan ne nekeuma zan diyà te inged he Truwas he ziyà te veyvey te zag̵at.

Nengeulaula 20:5

Midhuna heini is menge zuma zey ne sikami ki Pablo, midteg̵azan key zan diyà te inged he Truwas.

Nengeulaula 21:4

Neturedu zey zutun is menge tumutuu ne midhulavung key ziyà te kandan taman te sengesimana. Ne g̵eina te zuen impezayag kandan te Wag̵as he Mulin-ulin midleg̵uyan dan si Pablo he kenà ibpelaus diyà te Hiruselim.

Nengeulaula 21:8

Ne hein nepawà, migenat key en maan ne nekezunggù key ziyà te Sisarya. Ne ziyè key medhulavung te valey ni Felipe, sikan is ebpesavut te Meupiya he Tudtulanen. Iyan sikandin sevaha zutun te pitu he maama he nepilì dengan diyà te Hiruselim he timbang te menge epustul.

Nengeulaula 28:14

Duen menge tumutuu zutun he neuma zey ne mid-eg̵ut key zan he med-ubpè key ziyà te kandan seled te sengesimana. Ne zutun midlaus key medhipanew pehendiyà te Ruma. Hein nezineg te menge tumutuu ziyà te Ruma he ebpekeuma key en, midsinug̵ung key zan diyà te mirkadu ni Apio wey zuen daan diyà te egngezanan te Tetelu he Valey he Hulevungà. Ne hein naahà sikandan ni Pablo mibpeselamat sikandin te Megbevayà ne neteg̵uan sikandin te kebpekesarig ne zutun nekeuma key human diyà te inged he Ruma.

Pilipus 1:1

Surat heini ni Pablo wey ni Timoteo te menge sulug̵uen ni Jesu Kristu. Ibpeuwit heini is surat diyan te keniyu te langun he menge tumutuu ki Jesu Kristu he menge meg̵inged diyan te inged he Pilipus wey te menge ebmeg̵urangen niw wey menge diyekunu.

1 Tiselunika 2:2

Su wazè niw melipati is nehitavù kenami ziyà te inged he Pilipus hein wazè key pa mekeuma ziyan te Tiselunika. Wazè key zan urami te kebpemug̵el wey te kebpeelimungawi. Ne minsan pa zutun, tenged te kedtavang te Megbevayà wazè key mahandek he ebpenudtul ziyan te keniyu te Meupiya he Tudtulanen he ebpuun diyà te kandin, iyan, nereg̵enan key utew.

2 Timoteo 4:13

Sikan is kumbalè ku he intag̵ak ku ziyà te ki Karpu he ziyà te Truwas, meupiya ke ed-uwiten nu zini. Uwita nu zaan sikan is midlulun he menge libru, lavew en sikan is diyà isurat te lundis.