Nengeulaula 20:34 - Manobo Western Bukidnon

³⁴ Netuenan niw he mibpenigudu a medterebahu wey ku mekuwa is menge kinahanglan dey te menge zuma ku.

Nengeulaula 20:34 Кръстосани препратки

Nengeulaula 18:3

ne mid-amur sikandin kandan su neked-iring is terebahu zan he iyan is kebpemaal te idlelawig he terapal.

Nengeulaula 19:22

Ne zutun, impehuna zin diyà te Mesidunya is dezuwa he timbang din te ebaal te ebpeveelan te Megbevayà he si Timoteo wey si Irastu. Asal mibpetag̵ak dè pa sikandin diyà te prubinsya he Asya.

Nengeulaula 19:29

Ne zutun nekeeneb is samuk te tivuuk he inged. Ne haazà is dezuwa he zuma ni Pablo, si Gayu wey si Eristarku he menge tigMesidunya, midakep sikandan te menge etew ne migègaanan dan uwita ziyà te tig̵umanan te menge etew.

Nengeulaula 20:35

Ne pinaag̵i kayi te langun, impeehè ku keniyu he kinahanglan he pinaag̵i te kebpenigudu tew egketevangan tew is egkengeayuayu su egketenuzan tew is menge lalag dengan te Nengazen tew he si Jesus su ke sikandin te, ‘Dekelà is kelipey ta ke ebeg̵ey ki, kenà ke iyan ki edawat.’ ”

1 Kurintu 4:12

Kinahanglan he edhag̵ù key su wey zey mekuwa is menge kinahanglan dey. Ne ke edrewakan key te menge etew kenè key edtavak, kekenà, id-ampù dey sikandan he tuvazi sikandan te Megbevayà. Ne emun ebpesipelahan key ne ed-entusen dey.

1 Tiselunika 2:9

Menge suled, kenè niw vuwa egkelipatan is kedhag̵ù dey ziyan te kebaal. Su hein impesavut dey keniyu is Meupiya he Tudtulanen he ebpuun te Megbevayà, mibpenigudu key zaan medhag̵ù te maandew se mezukilem wey key mekekuwa te keuyag̵an dey wey key kenà mekesamuk keniyu.

Tito 3:15

Ebpepengemusta kenikew is langun he menge zuma ku kayi. Ipengemusta key zaan te langun he menge emig̵u zey he tumutuu ziyan. Berakat he ikeg̵ag̵ew kew te Megbevayà is langun.