Nengeulaula 20:29 - Manobo Western Bukidnon

²⁹ Netuenan ku he emun ed-ewaan ku sikiyu, duen edlepew kayi te keniyu he menge menunudlù he is ibpenurù dan, ne ebpekezezaat te upakat ne edèdeetan dan iyan is upakat niw te menge tumutuu.

Nengeulaula 20:29 Кръстосани препратки

Mateo 10:16

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Mateo 7:15

Likayi niw is menge ebpeneuven kun te Megbevayà he tarù is ibpenurù dan. Henduen be te hustu sikandan he tumutuu te Megbevayà, iyan, ebpekezezaat is ibpenurù dan.

Lucas 10:3

Genat kew en, iyan, andam kew su edsug̵uen ku sikiyu ziyà te menge etew he kumekaid. Iring kew te menge nati he kerehidu ne sikandan ne iring te menge erimaung.

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Juan 10:12

Is etew he sinuhulan dà, kenà tutuu he ed-elima su kenà kandin is menge kerehidu. Ne emun egkeehè din is ebpekeuma he leew he asu he egngezanan te lubu, ed-ewaan din haazà is menge kerehidu ne ebpelag̵uy. Ne ebengaan dutun te lubu is sevaha he kerehidu ne is duma, ne ebpekedsusuwey.

Juan 21:15

Ne hein nekeramag dan en dutun, migkag̵i si Jesus diyà te ki Simon Pedro te, “Sikew Simon, he anak ni Juan, mahal e ve utew ziyan te g̵ehinawa nu, lavew te g̵ehinawa te menge zuma nu kedì?” Ne midtavak si Pedro te, “Uya, netuenan nu he mahal ka zini te g̵ehinawa ku.”

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.

1 Pedro 5:2

Ne iyan idhangyù ku keniyu is: purungi niw elimahi is menge tumutuu he insarig keniyu te Megbevayà. Iring sikandan te menge kerehidu zin. Iyan kew edumala kandan, kenà iring te ebpeg̵esen kew, kekenà, kinahanglan he ebpuun te meliwanag he g̵ehinawa niw su iyan haazà egkesuatan te Megbevayà. Kinahanglan he kenà iyan dà id-elimahi niw kandan is tenged te edsuhulan kew zan, kekenà, tenged te egkesuat kew he edtavang kandan.

2 Pedro 2:1

Duen dengan menge teruen he etew he uvag kun ebpeneuven te Megbevayà ne iring din ded daan, duen menge etew he edlepew g̵untaan he ebpenurù te tarù diyan te keniyu. Sayep is ibpenurù dan te meeles ne ebpekezezaat heini te upakat niw te menge tumutuu. Ibpenurù dan he kenà Nengazen tew si Jesus he iyan pezem mibelukas kandan ne tenged dutun egketik-awan sikandan ke edsilutan dan.

Hudas 1:18

Ke sikandan te, “Keuzemà te ketepusan he menge andew ebpenlepew is menge etew he edsumpalit keniyu. Iyan edtumanen dan is menge kebayè dan he supak te Megbevayà.”