Nengeulaula 20:22 - Manobo Western Bukidnon

²² Ne g̵untaan, geina te edtumanen ku is sug̵ù kedì te Wag̵as he Mulin-ulin, edhendiyà a te Hiruselim. Ne kenè ku egketuenan ke hengkey is egkeulaula ku zutun.

Nengeulaula 20:22 Кръстосани препратки

Lucas 12:50

Duen ibewtismu kedì he iyan is dekelà pa he menge kemeresayan he egkeulaula ku he wazè pa mengetuman. Henduen a te ed-utuk te langit taman te kenè ku pa heini egkeliyu.

Lucas 9:51

Ne hein egkeuvayan en is andew te kebpeewaa ki Jesus dini te kelibutan su ed-ulì en diyà te langit ne netivuuk is gehinawa zin te kedhendiyà te Hiruselim ne zutun migenat dan.

Juan 13:1

Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Juan 18:4

Ne zutun, si Jesus, geina te wazà mekeeles diyà te kandin is langun he egkehitavù kandin, midsinug̵ung din sikandan ne mid-insà te, “Hentei is ebpen-ahaan niw?”

Nengeulaula 17:16

Ne zutun te kedteg̵azi ni Pablo ki Silas wey ki Timoteo ziyà te Etinas, utew neseeng sikandin su neehè din he utew mezakel is menge ledawan he edsimbahan te menge meg̵inged dutun.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

2 Kurintu 5:14

Ne umba edhag̵ù key su netuenan dey he mahal key ziyà te g̵ehinawa ni Kristu. Netuenan dey he midhimetayan sikandin is sebsevaha he elili te tivuuk he menusiyà ne tenged kayi henduen be te pudu en nekeag̵i te kemetayen is tivuuk he menusiyà.

Santiago 4:14

Turebung kew su minsan is keeselem dà he hitavù, kenè ta egketuenan. Is untung ta zini te kelibutan, ne utew mevavà ne iring te menipis he g̵apun he egketik-ew egkeahà ne egketik-ew zaan egkeawà.

2 Pedro 1:14

Netuenan ku he meg̵aan e en egkeumuri sumalà is impesavut kedì te Nengazen tew he si Jesu Kristu.