Nengeulaula 20:20 - Manobo Western Bukidnon

²⁰ Netuenan niw zaan he mibpurungan ku sikiyu penurua ziyà te menge ketig̵uman wey minsan diyà daan te menge valey niw. Dutun te kebpenurua wey kebpesevuta ku keniyu te Lalag te Megbevayà, in-amin ku keniyu ipenurù is minsan hengkey he ibmeupiya te kedtuu niw.

Nengeulaula 20:20 Кръстосани препратки

Marcos 4:34

Pudu menge sempità is impezineg ni Jesus diyà te menge etew, iyan, emun iyan dan dà te menge sumusundan din, ne ibpesavut din kandan is kehulug̵an dutun te menge sempità he penurù din.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 20:27

su in-amin ku keniyu ipenurù is minsan hengkey he egkesuatan te Megbevayà.

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

Nengeulaula 5:2

iyan, midtipig̵an din is bahin dutun te halin. Ne haazà, ingkesuat daan te esawa zin. Ne is wazè din tipig̵i, mid-uwit din ne imbeg̵ey zin te menge epustul, ne migkag̵i zin he iyan en haazà kes tivuuk he halin duen te tanè din.

Nengeulaula 5:42

Ne te kada andew ziyè dan gihapun te simbahan wey ziyà te menge valey is ebpenurù te Meupiya he Tudtulanen te keag̵i ni Jesus, sikan is mibpilì te Megbevayà he ibpahadì.

1 Kurintu 12:7

Ne kada sevaha kenitew te menge tumutuu, ne zuen imbeg̵ey kandin he ketau he iyan tuus he mid-ulinan sikandin te Wag̵as he Mulin-ulin. Umba imbeg̵ey haazà diyà te kandin su wey zin metevangi is menge zuma zin he tumutuu.

1 Kurintu 14:6

Ne penenglitan, menge suled, ke ebpekeuma a ziyan ne iyan dà egkeg̵iyen ku keniyu is pinaag̵i zà te kineg̵iyan he kenè niw egketuenan, hengkey is pulus din? Deyzey ke idseysey ku keniyu is impesavut kedì te Megbevayà ne emun kenà haazà, ne kinahanglan he zuen ibpenurù ku keniyu he tuluuwen wey ke penurù be he impesavut kedì, ne human duen pulus te egkeg̵iyen ku.

1 Kurintu 15:3

Ne lavew kayi te langun he impesavut ku keniyu, haazà is impenurù daan kediey. Ne iyan is: si Kristu, mibpehimatey su wey kiw melibri te silut mehitenged te menge salè tew sumalà is impesavut dengan te insurat he Lalag te Megbevayà.

Pilipus 3:1

Na, menge suled, ketepusan heini he sambag ku keniyu. Lipey kew tenged te upakat niw te Nengazen. Maambe ke idsublì ku keniyu is daan he sambag ku su melemu zà heini, ne kela ke egkehimu he pinaag̵i kayi egkelig-enan is isip niw.

Kulusas 1:28

Sikami, idsangyew zey si Kristu; edleg̵uyan dey is minsan hentei, wey ebpenurù key kandan ebpurung sumalà is egkehimu zey he ketau su wey meketuu is langun ki Kristu, ne wey sikandan keuzemà ikepeetuvang diyà te Megbevayà he wazà kurang te kedtuu zan.

2 Timoteo 4:2

Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.