Nengeulaula 20:19 - Manobo Western Bukidnon

¹⁹ Midtuman ku is ebpeveelan kedì te Megbevayà ne wazà a mebpelavew. Mibpenig̵is is menge luhè ku tenged te mahal kew zini te g̵ehinawa ku. Mezakel is kemereg̵enan wey kemeresayan he neulaula ku tenged te menge pesipala he mibeelan kediey te menge iring ku he Hudiyu.

Nengeulaula 20:19 Кръстосани препратки

Lucas 19:41

Ne midlaus ensi Jesus pehendutun te inged he Hiruselim ne hein neehè din en haazà is inged ne midsineg̵awan din su utew sikandin nehizu te menge meg̵inged dutun.

Juan 12:26

Ke zuen etew he egkesuat he mehimu he sulug̵uen ku, kinahanglan he edsunuzen e zin, su ke hendei a ne zutun daan is sulug̵uen ku. Ne ke zuen edtuman te menge sug̵ù ku, edelig̵en sikandin te Amey ku he Megbevayà.

Nengeulaula 17:13

Ne sikan is menge tigTiselunika he menge Hudiyu, hein nezineg dan he impesavut daan ni Pablo is Lalag te Megbevayà dutun te inged he Biriya, midhendutun dan ne midhimu zan he mengepauk engki Pablo is mezakel he menge etew.

Nengeulaula 17:5

Ne zutun, nengesina engki Pablo is menge Hudiyu ne midtig̵um dan is mezakel he menge tepulan he wazà menge pulus he etew. Ne mid-eneb dan is tivuuk he inged te edsinamuk. Midhendiyè dan te valey ni Jason su edteg̵elen dan egkuwaa si Pablo wey si Silas su wey zan meuwit diyà te menge etew.

Nengeulaula 20:3

Ne zutun sikandin med-ubpà taman te tetelu he vulan. Ne zutun neisip din he ed-untud te barku su edhendiyà te Sirya, ne neisip daan dutun te menge Hudiyu he edekepen dan sikandin dutun te kegenat din, umba, nahalin is gehinawa zin su neisip din maan he edlikù diyà te imbayè din pehendiyà te Mesidunya.

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

Nengeulaula 21:27

Ne hein ikepitu en he andew, duen menge Hudiyu he tig-Asya he nekeahà ki Pablo ziyà te Valey te Megbevayà. Ne mibpetavang dan te utew mezakel he menge etew zutun te simbahan su wey zan mezakep si Pablo.

Nengeulaula 27:23

Geina te mezukilem, is Megbevayà he iyan ed-ezapen ku, mibpaahà kedì is belinsug̵uen din,

Ruma 1:1

Iyan a si Pablo is teg̵isurat kayi. Uripen a ni Jesu Kristu ne midhimu e zin daan he epustul. Impenaad dengan te Megbevayà pinaag̵i te impesurat din te menge ebpeneuven din he zuen timpu he zuen Meupiya he Tudtulanen he ibpesavut kenitew. Umba mibpilì a he epustul su wey a mekepenudtul kayi te Meupiya he Tudtulanen.

Ruma 1:9

Tenged te Megbevayà, edhimuwen ku is taman te egkehimu ku wey ku ikesangyew is Meupiya he Tudtulanen mehitenged te Anak din. Ne iyan sikandin nesayud wey ebpeketistig̵us he layun ku sikiyu id-ampù diyà te kandin.

Ruma 12:11

Kenè kiw ebpepepeg̵ul, kekenà, edheg̵eten tew ziyà te g̵ehinawa tew is kedtumana tew te menge sug̵ù te Megbevayà.

2 Kurintu 2:4

Dutun te kebpeuwiti ku keniyu te surat, utew ad neseeng. Mibmesakit is gehinawa ku ne mibpenig̵is is luhè ku. Iyan, kenè ku pezem dutun tuyù is wey kew meseeng, kekenà, egkesuatan ku he metueni niw he utew kew mahal zini te g̵ehinawa ku.

2 Kurintu 3:5

Kenè dey egkekag̵i he pinaag̵i te kenami he ketau egkehimu zey is minsan hengkey, kekenà, netuenan dey he ziyà ebpuun te Megbevayà is kegkehimuwa zey te langun.

2 Kurintu 7:5

Ne hein nekeuma key en dini te prubinsya he Mesidunya, wazè key g̵ihapun meewai te menge seeng dey. Su nereg̵enan key te mezakel he samuk. Mibpekidtebek kenami is menge kuntada zey ne ingkeipeng dey is menge tumutuu.

Gelasya 1:10

Kunaan niw vuwa ke iyan netag̵ù te g̵ehinawa ku is: egkesuat a he zelig̵a a te menge etew. Iyan, kenà iyan heini netag̵ù te g̵ehinawa ku, kekenà, iyan is kebpenunuata ku te Megbevayà. Kunaan niw vuwa zaan ke egkesuatan ku he ibmeupiya te g̵ehinawa te menge etew is menge ulaula ku, iyan, kenà daan iyan egkesuatan ku su emun iyan egkesuatan ku, kenà egkehimu he sulug̵uen a ni Kristu.

Pilipus 3:18

Dengan ku zà heini layun egkeg̵iya, iyan, guntaan ed-umanan ku egkeg̵iya zuma is menge luhè ku he ebpenig̵is, tenged te mezakel he menge etew he egkeg̵iyen dan he sakup sikandan ni Kristu, iyan, egketuusan pinaag̵i te ulaula zan he kuntada sikandan te kebpesevuta mehitenged te kebpehimatey ni Kristu ziyà te krus.

Kulusas 3:24

su netuenan niw en he edsuhulan kew keuzemà te Nengazen. Ne ibeg̵ey zin keniyu haazà is suhul he impenaad din su is tutuu he egalen niw ne iyan si Kristu.

1 Tiselunika 1:9

Nezineg dan en ne iyan sikandan ebpenudtul mehitenged te kegelg̵elawa niw kenami. Ebpenudtul zan he mid-engkezan niw kes ked-azap te menge kenà tutuu he ed-ezapen. Mid-engkezan niw kun wey kew mekeazap te tutuu he Megbevayà he wazè din kemetayen.

2 Timoteo 1:4

Ne emun egketenuzan ku is kedtig̵is te luhè nu zutun te ked-ewai ku kenikew, utew a kenikew ebulunga ne utew a egkesuat he meked-uman ki meked-uma wey a utew melipey.

Santiago 1:2

Menge suled, mebmelipayen kew emun merasey is egkeulaula niw tenged te idtug̵ut te Megbevayà he zuen ebarangbarang he penggezam te kedtuu niw kandin.

1 Pedro 1:6

Ne tenged dutun ebpekelipey kew en minsan pa te egkeseeng kew zè pa g̵untaan tenged te mezakel he menge kemeresayan he egkeantus niw.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.

Impezayag 7:15

Umba, diyè dan edhitindeg te etuvangan te pinuuwà te Megbevayà. Andew wey mezukilem ne ziyè dan te simbahan te Megbevayà ne edtumanen dan dutun is egkesuatan din. Ne is Megbevayà he ziyà ebpimpinuu te pinuuwè din te kedhadì, iyan edlingahaan dan.